खगेन्द्र सुनारको गाई खान पाउनुपर्ने भिडियो भाइरल, रास्वपासँग मतदाताले सोध्न थाले प्रश्न

काठमाडौं । गाईको मासु खान पाउनुपर्छ भन्ने अभिब्यक्तिका कारण राष्ट्रिय स्वतन्त्र पार्टीका केन्द्रीय सदस्य खगेन्द्र सुनार विवादमा परेका छन् ।

सुनारले ‘तपाईंले मटन खान पाउनुहुन्छ भने उसले गाई खान किन नपाउने’ भनी दिएको एक अन्तवार्ताको भिडियो भाइरल छ । उनले अन्तार्वार्तामा भनेका छन्–गाई राष्ट्रिय जनावर हो भने कुकुर पनि राष्ट्रिय जनावर हो, बाख्रा पनि हो । बाख्रा खानुहुन्छ भने गाई किन नहुने ?’

दलित अधिकारकर्मी भन्दै साङ्लो लगाउने, उत्तेजक अभिब्यक्ति दिने गरेका सुनारको गाई खान पाउनुपर्ने भनाइका बारेमा रास्वपाको धारणा सार्वजनिक रुपमा आएको छैन । तर उक्त भिडियोमा दिएको सुनारको अभिब्यक्तिका बारेमा देशभरका रास्वपाका उम्मेदवारलाई नागरिकले प्रश्न गर्न थालेका छन् ।

ललितपुर ३ की रास्वपा उम्मेदवार डा. तोसिमा कार्कीलाई मतदाताहरुले गाई खान पाउनुपर्ने सुनारको भिडियोका बारेमा र्याखर्याख्ती पारेपछि उनले त्यस्तो पनि बोलेको छ र भन्दै आश्चर्य प्रकट गरेकी छन् ।

बहुसंख्यक हिन्दू भएको नेपालमा गाईको मासु खान पाउनुपर्ने अभिब्यक्तिले सनातन हिन्दूहरुको भावनामा चोट पुगेको भन्दै तोसिमा कार्कीलाई जस्तै रास्वपाका देशभरका उम्मेदवारलाई अप्ठेरो परेको छ ।

सुनारले सर्वोच्च अदालत समेत जलाउने सार्वजनिक अभिब्यक्ति दिएका थिए । अराजक र उृत्तेजक भाषण गर्ने, अत्तर्वार्ता दिएर चर्चामा आउने सुनारलाई रास्वपाले केही समयअघि केन्द्रीय सदस्य बनाएको हो ।

खगेन्द्र सुनारको गाई खान पाउनुपर्ने अभिब्यक्तिको बिरोध देशभर भइरहेकोक छ । मंगलबार महाकाली किनारमा खगेन्द्र सुनारको पुतला दहन गरिएको छ । पुतला दहन गर्नेहरुले रास्वपा मुर्दावाद भन्दै नाराबाजी गरेका छन् ।

यसैबीच, विवादित भिडियोका बारेमा खगेन्द्र सुनारले स्पष्टीकरण दिंदै बोल्दै नबोलेको छेउटुप्पो जोडेर विवादमा ल्याएको बताएका छन् । उनले भिडियो सन्देश जारी गर्दैै आफूले नबोलेका कुरालाई तोडमोड गरिएको बताए पनि उक्त अन्तर्वार्ता लिने पत्रकारले भने सुनारले गाई खान पाउनुपर्छ भनेर आफूसँग बोलेको फुटेज नै सुृरक्षित रहेको दाबी गरेका छन् ।