भक्तपुर । भक्तपुरको राधेराधेमा केही बर्षदेखि सार्वजनिक जग्गा मिचेर त्यसमा पनि हनुमन्ते पुल नै जोखिममा पारेर एक ट्रायल सेन्टर संचालन हुँदैआएको छ । तर सरकारी निकाय भने थाहा नपाएझैं गरी चुप लागेर बसेका छन् ।
२०८१ सालमा राष्ट्रिय सतर्कता केन्द्रले गठन गरेको उच्च प्रहरी कर्मचारीसहित एक प्राविधिक टोलीले राधेराधेस्थित इजीवे ट्रायल सेन्टरले तीनकुने-सूर्यबिनायक खण्ड (६ लेन सडक) अन्तर्गत हनुमन्ते पुलमुनिको छेउपट्टिको एक भाग नै गायब गरी सावैजनिक जग्गा अतिक्रमण गरेको रिपोर्ट तयार गरेको थियो ।
उक्त रिपोर्ट अहिले पनि केन्द्रमा सुरक्षित छ । त्यो सडक भएर हिंड्ने जो कोहीले पनि इजीवे ट्रायल सेन्टरले सार्वजनिक जग्गा मिचेको प्रष्ट्रसँग देख्न सकिन्छ । किनभने त्यस ठाउँमा सर्भिस लेनमा हिंड्ने बाटो नै छैन । बाटो पूरै कब्जा गरिएको छ ।
टोलीले रिपोर्ट बुझाएपछि केन्द्रका तत्कालीन सचिव रामआधार साहले इजीवेले मिचेको जग्गा खाली गराउन प्रयास गरेका थिए । तर राम आधारलाई इजीवेका संचालक निर्भयबाबु प्रसाईंले घुस आकर्षक घुस दिएर जग्गा गराउने निर्णय कार्यान्वयन हुनबाट रोकेका थिए । घुसको कारोबार करिब १० लाख नै भएको चर्चा त्यतिबेला सतर्कता केन्द्रमा चलेको थियो ।
गुणस्तर तथा नापतौल बिभागको निमित्त महानिर्देशक हुँदादेखि नै काण्डैकाण्ड लागेका रामआधारले त्यो प्रतिवेदन कार्यान्वयन हुन दिएनन् । तर वर्तमान वालेन्द्र शाह नेतृत्वको सरकारले त्यो प्रतिवेदन खोजेर त्यो ट्रायल सेन्टरको जग्गा खाली गराउन सक्छ । यो विषयमा केन्द्रका माथिल्ला तह कर्मचारीहरु प्रष्ट्रसँग जानकार छन् । यस प्रकरणमा मध्यपुर ठिमी नगरपालिकाका मेयर सुरेन्द्र श्रेष्ठ पनि मुछिएका छन् । किनभने इजीवेले सार्वजनिक जग्गा मिचेको रिपोर्ट मध्यपुर ठिमी नगरपालिकामा पनि पुगेको छ । यसबारेमा नगपाालिकामा दुई तीन पटक उजुरी परेको छ ।
मेयर श्रेष्ठले अतिक्रमण भएको सार्वजनिक जग्गा खुलाउनतीर प्रयास गरेनन् । उल्टै अतिक्रमणकारीसँग साँगगाँठ गरे । निर्भयसँग श्रेष्ठको बेला बेलामा उठबस हुन गरेको छ । त्यसअघि रामआधारले एउटा टोली बनाई इजी वेले सार्वजनिक जग्गा मिचेको, नमिचेको विषयमा जाँच गर्न पठाएका थिए ।
प्राविधिक टोलीले त्यस ठाउँमा सार्वजनिक जग्गा मिचेको मात्र रिपोर्ट दिएन, इजीवेले हनुमन्ते पुललाई समेत जोखिममा पारेर ट्रायल सेन्टर संचालन गरिरहेको, पुलको छेउको फुटपाथ समेत गायब पारेको रिपोर्ट बुझाएको थियो । उक्त रिपोर्ट हात परेपछि रामआधारलाई इजी वेका सचालकसँग बार्गेनिङ गर्न थप सजिलो भएको थियो । त्यसपछि उनले आफैं निर्भयसँग भेट गरेका थिए । त्यसपछि उक्त रिपोर्टलाई रामआधारले थन्क्याएर राखेका थिए ।
यातायात व्यवस्था विभागले बनाएको निर्देशिका तथा कार्यविधि मिचेर इजीवेले ट्रायल सेन्टर संचालन गरेको उजुरी परेपछि रामआधारले त्यस विषयमा जाँच गर्न लगाएका थिए । केन्द्रले गरेको अध्ययन रिपोर्टमा त्यस ट्रायल सेन्टरले कार्यविधि मिचेर ट्रायल सेन्टर संचालन गरेको त पुष्टि भयो नै । त्यसबाहेक सार्वजनिक जग्गा नै मिचेको पत्ता लाग्यो । त्यसपछि रामाधारले त्यसबारेमा छानबिन गर्न २०८१ जेठमा अर्को टोली गठन गरेका थिए । त्यस टोलीमा केन्द्रका प्राविधिक तथा उच्च तहका प्रहरी कर्मचारी संलग्न गराइएका थिए । त्यस टोलीमा संलग्न कर्मचारीहरु अहिले पनि केन्द्रमै कार्यरत छन् ।
यतिबेला केन्द्रमा नेतृत्व फेरिएको छ । सरकारको नेतृत्व पनि फेरिएको छ । नयाँ सरकारले अतिक्रमण गरिएको सार्वजनिक जग्गा खाली गर्न अभियान नै सुरु गरेको छ । अब नयाँ सरकारको आखाँ हनुमन्ते खोला नै जोखिम पारेर गरिएको सार्वजनिक जग्गा अतिक्रमणको विषयमा पर्छृ कि पर्देन ? सबैको चासो छ ।
पक्राउपछि रिहाइ हुन शक्तिकेन्द्रमा दौडधुप
यसबीच, नक्कली परीक्षाथीलाई ट्रायल पास गराउन बिचौलियाको भूमिका निभाएको आरोपमा उक्त ट्रायल सेन्टरका संचालक प्रसाईलाई प्रहरीले पक्राउ गरिसकेको छ । प्रहरीले म्याद समेत थप गरिसकेको छ । तर रिहाइ हुन प्रसाईका परिवारका सदस्य तथा प्रसाईंनिकट व्यक्तिहरु अहिले उच्च पहुँचवाला विभिन्न क्षेत्रका व्यक्तिहरुसँग हारगुहार गरिरहेको बुझिएको छ ।
इजीवे विवादमा आउनुको कारण भने उक्त ट्रायल सेन्टरका संचालक जोन भन्ने प्रसाईं र दीपेन्द्र खड्गी हुन् । उनीहरु खुलेआम अख्तियारको नाममा समेत असुलीमा ब्यस्त छन् । समाज डेन्टल हस्पिटलसँग लिजमा लिएको जग्गाको लिज अवधि समेत समाप्त भइसक्दा पनि ट्रायल सेन्टर हटाउन आनाकानी गरिरहेका छन् भने अर्कोतिर यातायात कार्यालयले सम्झौताको नयाँ पत्र माग्दा अख्तियारमा पहुँच छ भन्दै उल्टै तर्साइरहेका छन् ।
लिज सम्झौता नवीकरण सकिएको जग्गामा जबर्जस्ती ट्रायल सेन्टर रहेको र यातायात कार्यालय राधेराधेले सम्झौतापत्र मागिसकेको अवस्थामा समेत ट्रायल सेन्टर कायम राख्नुलाई आर्थिक चलखेललाई नै आधार मानिएको छ । अर्कातिर प्रसाईले राधेराधेको हनुमन्ते खोलाको पुलको जग्गासमेत अतिक्रमण गरेको आरोप छ ।
विगतमा प्रसाईंको इजीवे ट्रायल सेन्टरमा यातायात कार्यालय भक्तपुर राधेराधेका छैटौं तहका कर्मचारी जीवनकुमार बस्नेत र कार्यालय प्रमुख डन्डबहादुर बस्नेतसँग मिलेर बिदेशमा भएका नेपालीको समेत ट्रायल परीक्षा गराउँदैआएका थिए ।
नक्कली परीक्षार्थी सहभागी गराएर उनले विदेशमा रहेकाको समेत ट्रायल पास गराउने गरेको आरोप छ । ईजीवे ट्रायल सेन्टरमा नक्कली नगारिकता र नक्कली प्रवेश पत्र बनाई अन्य व्यक्तिहरुको परीक्षा दिने ५ जनालाई २०७९ भदौमा भक्तपुर प्रहरीले पक्राउ गरेको थियो । यो एक प्रतिनिधि उदाहरणमात्र हो, ईजीवेले यातायात कार्यालय राधेराधेका हाकिमसँग मिलेर लाइसेन्समा घुसको सेटिङ हरेक दिनजसो गर्दैआएको छ ।
काठमाडौं । पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल पोखराको चमेना गृह ठेक्का प्रक्रियामा अनियमितता भएको खुलेको छ । प्रतिष्ठानको क्यान्टिन सुनिल क्यान्टिन तथा...
काठमाडौं । सामाखुसीस्थित सिटी स्क्वायर मलका संचालक रोशन भन्ने गुप्तलाल भूसालबिरुद्ध सम्पत्ति शुद्धीकरण अनुसन्धान बिभागले पक्राउ पूर्जी जारी गरेको छ । बिभागले असोज अन्तिम साता...
काठमाडौं । राष्ट्रिय स्वतन्त्र पार्टी (रास्वपा) का सांसद गणेश कार्कीले जलवायु परिवर्तनसम्बन्धी संयुक्त राष्ट्रसंघीय सम्मेलन (कोप) मा सहभागी हुन जानेहरूले सरकारी खर्चमा गएको हो...
काठमाडौं । एनआईसी एशिया बैंक संकटतर्फ उन्मुख भएको समाचार नेपालफेस डटकमले २०८३ असोज ४ मा प्रकाशित गरेको थियो । जुन समाचारको बैंकले खण्डन गर्ने...
काठमाडौं । चिकित्सा विज्ञान राष्ट्रिय प्रतिष्ठान वीर अस्पतालका उपकुलपति(भीसी) डा. विवेक आचार्य बालेन सरकारको सुशासन नीतिबिपरीत अस्पताल डुवाएर कमाउधन्दामा लागेको भन्दै अख्तियार दुरुपयोग अनुसन्धान...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend