काठमाडौं । एकातिर सरकारले समयमा नागरिकलाई सवारी अनुमतिपत्र(लाइसेन्स) उपलब्ध गराउन नसकेर अपजस ब्यहोर्दैआएको छ भने अर्कोतिर जनसम्पर्क हुने कार्यालयमध्ये सबैभन्दा बढी बदनाम यातायात कार्यालयहरु बनिरहेका छन् ।
कार्यालयका दस्तावेज र ढड्डाहरु नै बिचौलियाहरुको पहुँचमा रहेका छन् । यातायात कार्यालयमा सेवाग्राहीहरु बिचौलियालाई घुस नदिई कामै गर्न नसक्ने परिस्थिति रहेको छ । तर वालेन्द्र शाहको नेतृत्वमा सरकार गठनपछि यातायात कार्यालयका बिचौलियाहरु धमाधम पक्राउसँगै कर्मचारीहरुले सेवाग्राहीका काम फटाफट गर्न थालेका छन् ।
बिचौलियाहरुलाई कार्यालयमा कर्मचारीले नै निषेध गर्न बाध्य भएता पनि तिनै बिचौलियासँग साँझ बिहान सेटिङमा यातायातका कर्मचारीहरु ब्यस्त रहने गरेको आरोप छ ।
यातायात कार्यालय सानोभ¥याङ र गुर्जुधाराबाट बिचौलिया पक्राउ परेपछि अन्य कार्यालयमा पनि बिचौलियाहरुको भागाभाग त भएको छ । तर कतिपय कार्यालयबाट त्यसअघि नै अख्तियार दुरुपयोग अनुसन्धान आयोगले कर्मचारीका मोवाइल बरामद गरी बिचौलियासँगको कनेक्सन अध्ययन गरिरहेकाले धेरै कुरा खुल्ने अनुमान गरिएको छ ।
देशभरका यातायात कार्यालय बदनाम गराउने बिचौलियामात्र होइनन्, ड्राइभिङ सेन्टरहरु पनि उत्तिकै जिम्मेवार छन् । विदेशमा रहेका नेपालीका नाममा समेत ५० हजार रुपैयाँसम्म घुस लेनदेन गरी नक्कली परीक्षार्थी खडा गरी ट्रायल गराउने ड्राइभिङ सेन्टरहरु रहेका छन् । यातायात कार्यालयका प्रमुखहरुसँग सेटिङ गरी ट्रायल परीक्षा केन्द्र आफ्नो ड्राइभिङ सेन्टरमा पार्ने र लाइसेन्स लिन चाहनेहरुसँग घुसको कारोबार गर्ने धन्दा मौलाइरहेको छ ।
प्रहरीको ध्यान बिचौलियाहरुतिर भन्दा पनि बढी ध्यान ट्रायल परीक्षा हुने ड्राइभिङ सेन्टरमा बढी केन्द्रित हुनुपर्ने स्रोत बताउँछ । ट्रायल दिन जानेले आफ्नो मोटरसाइकल वा गाडी लान नपाउने, ट्रायल सेन्टरकै गाडी वा मोटरसाइकल प्रयोग गर्नुपर्ने अनौठो नियम लादिएको छ । ट्रायल सेन्टरले सेटिङ भएका सेवाग्राहीलाई राम्रो कन्डिसनको गाडी र मोटरसाइकल दिने तर सेटिङ नभएकालाई बिग्रिएको दिंदा ट्रायलकै क्रममा रोकिने र फेल हुने गरेका छन् । ट्रायलका लागि ड्राइभिङ सेन्टर छनोटमा ठूलो चलखेल हुने, शक्तिकेन्द्रबाट दबाब दिने गरिएका उदाहरण भेट्न सकिन्छ ।
अख्तियारको समेत बदनाम गर्दै यातायात कार्यालय राधेराधेमा निर्भयबाबुको दादागिरी
यातायात कार्यालयमध्ये पछिल्लो समय विवादमा तानिएको कार्यालय हो, भक्तपुरको राधेराधे । विवादमा आउनुको कारण भने राधेराधेका ट्रायल सेन्टरका संचालक जोन भन्ने निर्भयबाबु प्रसाईं र दीपेन्द्र खड्गी हुन् । उनीहरु खुलेआम अख्तियारको नाममा समेत असुलीमा ब्यस्त छन् । समाज डेन्टल हस्पिटलसँग लिजमा लिएको जग्गाको लिज अवधि समेत समाप्त भइसक्दा पनि ट्रायल सेन्टर हटाउन आनाकानी गरिरहेका छन् भने अर्कोतिर यातायात कार्यालयले सम्झौताको नयाँ पत्र माग्दा अख्तियारमा पहुँच छ भन्दै उल्टै तर्साइरहेका छन् ।
लिज सम्झौता नवीकरण सकिएको जग्गामा जबर्जस्ती ट्रायल सेन्टर रहेको र यातायात कार्यालय राधेराधेले सम्झौतापत्र मागिसकेको अवस्थामा समेत ट्रायल सेन्टर कायम राख्नुलाई आर्थिक चलखेललाई नै आधार मानिएको छ । अर्कातिर प्रसाईले राधेराधेको हनुमन्ते खोलाको पुलको जग्गासमेत अतिक्रमण गरेको आरोप छ ।
विगतमा प्रसाईंको इजीवे ट्रायल सेन्टरमा यातायात कार्यालय भक्तपुर राधेराधेका छैटौं तहका कर्मचारी जीवनकुमार बस्नेत र कार्यालय प्रमुख डन्डबहादुर बस्नेतसँग मिलेर बिदेशमा भएका नेपालीको समेत ट्रायल परीक्षा गराउँदैआएका थिए । नक्कली परीक्षार्थी सहभागी गराएर उनले विदेशमा रहेकाको समेत ट्रायल पास गराउने गरेको आरोप छ । ईजीवे ट्रायल सेन्टरमा नक्कली नगारिकता र नक्कली प्रवेश पत्र बनाई अन्य व्यक्तिहरुको परीक्षा दिने ५ जनालाई २०७९ भदौमा भक्तपुर प्रहरीले पक्राउ गरेको थियो । यो एक प्रतिनिधि उदाहरणमात्र हो, ईजीवेले यातायात कार्यालय राधेराधेका हाकिमसँग मिलेर लाइसेन्समा घुसको सेटिङ हरेक दिनजसो गर्दैआएको छ ।
राष्ट्रिय सतर्कता केन्द्रले मापदण्डविपरीत संचालन भएको भन्दै २०८१ जेठमा प्रसाईको इजीवेसहित काठमाडौं उपत्यकाका ४ वटा ट्रायल सेन्टर बन्द गरेकोे थियो । तर ट्रायल सेन्टरलाई मापदण्ड पूरा गराउनेतिर भन्दा सतर्कता केन्द्रका तत्कालीन प्रमुख रामआधार साहले घुस लिएर फुकुवा गरिदिएका थिए । प्रसाईले नै बिचौलियाका रुपमा ४ वटै ट्रायल सेन्टरको तर्फबाट सतर्कताका प्रमुख साहलाई घुस खुवाएर फुकुवा गराएका थिए । स्रोतका अनुसार ३ वटा ट्रायल सेन्टरले २५ लाख रुपैयाँ बुझाएपछि केन्द्रले भनेको मापदण्ड केही पूरा नगरी खुलेका थिए ।
बागमती प्रदेशको यातायात मन्त्रालयले प्राविधिक टोलीले सार्वजनिक जग्गा मिचेकोमात्र रिपोर्ट दिएन, इजीवेले हनुमन्ते पुललाई समेत जोखिममा पारेर ट्रायल सेन्टर संचालन गरिरहेको, पुलको छेउको फुटपाथसमेत गायब पारेको रिपोर्ट बुझाएको थियो । बागमती प्रदेश यातायात मन्त्रालय यतिबेला सुशासनको नतिजा देखाउने पक्षमा देखिन्छ । तर अख्तियारको हवाला दिंदै ईजीवेका प्रसाईले उल्टै सरकारलाई चुनौती दिंदा सुशासनको बिषय नै ओझेलमा पर्न पुगेको छ । प्रसाई २ बर्षअघि चेक बाउन्समा पक्राउसमेत परेका थिए ।
काठमाडौं । पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल पोखराको चमेना गृह ठेक्का प्रक्रियामा अनियमितता भएको खुलेको छ । प्रतिष्ठानको क्यान्टिन सुनिल क्यान्टिन तथा...
काठमाडौं । सामाखुसीस्थित सिटी स्क्वायर मलका संचालक रोशन भन्ने गुप्तलाल भूसालबिरुद्ध सम्पत्ति शुद्धीकरण अनुसन्धान बिभागले पक्राउ पूर्जी जारी गरेको छ । बिभागले असोज अन्तिम साता...
काठमाडौं । राष्ट्रिय स्वतन्त्र पार्टी (रास्वपा) का सांसद गणेश कार्कीले जलवायु परिवर्तनसम्बन्धी संयुक्त राष्ट्रसंघीय सम्मेलन (कोप) मा सहभागी हुन जानेहरूले सरकारी खर्चमा गएको हो...
काठमाडौं । एनआईसी एशिया बैंक संकटतर्फ उन्मुख भएको समाचार नेपालफेस डटकमले २०८३ असोज ४ मा प्रकाशित गरेको थियो । जुन समाचारको बैंकले खण्डन गर्ने...
काठमाडौं । चिकित्सा विज्ञान राष्ट्रिय प्रतिष्ठान वीर अस्पतालका उपकुलपति(भीसी) डा. विवेक आचार्य बालेन सरकारको सुशासन नीतिबिपरीत अस्पताल डुवाएर कमाउधन्दामा लागेको भन्दै अख्तियार दुरुपयोग अनुसन्धान...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend