एनआईसी एशिया बैंकले ल्यायो ‘गोल्ड लोन’ योजना

काठमाडौं । एन आई सी एशिया बैंकले ग्राहकका लागि सस्तो ब्याजदरमा नयाँ ‘गोल्ड लोन’ योजना सार्वजनिक गरेको छ। बैंकले समयसापेक्ष ग्राहकको माग र आवश्यकतालाई ध्यानमा राख्दै सुन तथा सुनका गरगहना धितो राखेर लिन सकिने यो कर्जा योजना ल्याएको हो। यो योजना अन्तर्गत ग्राहकले सुनको बार वा गरगहना धितो राखेर ५० लाख रुपैयाँसम्म कर्जा लिन सक्नेछन्। बैंकले औसत आधार दरमा १ देखि ३ प्रतिशतसम्म मात्र प्रिमियम थप गरी प्रतिस्पर्धी ब्याजदरमा यो ऋण उपलब्ध गराउने जनाएको छ।

ग्राहकले आफूले राखेको धितोको बजार मूल्य अनुसार अधिकतम ७० देखि ८० प्रतिशतसम्म कर्जा सुविधा पाउनेछन्। यसका साथै नयाँ गरगहना खरिद गर्न चाहनेका लागि समेत बैंकले कर्जा दिने व्यवस्था मिलाएको छ।