९९ लाख ९१ हजारको बैंकिङ कसुर मुद्दाका फरार अभियुक्त सपक्राउ

काठमाडौं । बैंकिङ कसुर मुद्दामा फरार रहेका एक जना व्यक्तिलाई प्रहरीले पक्राउ गरेको छ।

पक्राउ पर्नेमा गोरखा आरुघाट गाउँपालिका-८ का ४१ वर्षीय हरिशचन्द्र खनाल रहेका छन् । भक्तपुर सूर्यविनायक-२ लोकन्थली बस्दै आएका खनाललाई बिहीबार पक्राउ गरिएको जिल्ला प्रहरी परिसर काठमाडौंका प्रवक्ता प्रहरी उपरीक्षक अपिलराज बोहराले बताए ।

फरार व्यक्तिको खोजी सिलसिलामा नयाँ बानेश्वर वृत्तको टोलीले कोटेश्वरबाट खनाललाई पक्राउ गरेको बोहराले बताए ।

खनालविरूद्ध ९९ लाख ९१ हजार रुपैयाँको बैंकिङ कसुर मुद्दामा अदालतले त्यति नै जरिवाना र १८ दिन कैद सजाय तोकेको थियो। खनाललाई बिहीबार नै जिल्ला अदालत काठमाडौंले कारागार चलान गरेको छ।