प्रतिनिधिसभा बैठकमा प्रधानमन्त्रीसँग प्रश्नोत्तर, भूमि बिधेयक पेश गरिने

काठमाडौं । प्रतिनिधिसभाको बैठक बस्दैछ ।

संघीय संसद भवन, नयाँबानेश्वरमा उक्त बैठक बस्नेछ । बैठक आज बिहान ११ः०० बजेका लागि बोलाइएको छ।

आजको बैठकमा प्रधानमन्त्री केपी शर्मा ओलीले प्रतिनिधिसभा नियमावली, २०७९ को परिच्छेद–९ बमोजिम सांसदहरूले सोधेका प्रश्नको जवाफ दिने भएका छन् ।

उता, पूर्वाधार विकास समितिका सभापति दीपकबहादुर सिंहले ‘पूर्वाधार विकास समितिको बार्षिक प्रतिवेदन, २०८१’ बैठकमा पेश गर्दैछन् ।

भूमि ब्यवस्था, सहकारी तथा गरिबी निवारण मन्त्री बलराम अधिकारीले ‘भूमिसबन्धी केही नेपाल ऐनलाई संशोधन गर्न बनेको बिधेयक, २०८२ माथी बिचार गरियोस् भन्ने प्रस्ताव प्रस्तुत गर्ने भएका छन् ।

सांसद रणेन्द्र बराइलीले ‘दलित समुदायमाथि भइरहेको भेदभाव’ बिषय उल्लेख गरेर प्रस्ताव गरिएको ‘जरूरी सार्बजनिक महत्वको प्रस्ताव’ प्रस्तुत गर्ने भएका छन् ।