डा. बाबुराम भट्टराईले भारतका रक्षामन्त्री राजनाथलाई भेटे

काठमाडौं । पूर्वप्रधानमन्त्री एवं नेसपा (नयाँ शक्ति) का अध्यक्ष डा. बाबुराम भट्टराई र भाजपाका वरिष्ठ नेता तथा भारतका रक्षा मन्त्री राजनाथ सिंहबीच आज भेटवार्ता सम्पन्न भएको छ ।

उक्त भेटमा नेपाल–भारत सम्बन्ध सुदृढ गर्दै विकास र आर्थिक सहकार्यलाई नयाँ उचाइमा लैजाने विषयमा सकारात्मक संवाद भएको भट्टराईको सचिवालयले जनाएको छ । साथै, डा. भट्टराईद्वारा हालै पेहलगाम, कश्मीरमा सर्वसाधारणमाथि भएको आतंकवादी हमलाको घोर निन्दा गर्दै गहिरो दुःख व्यक्त गरेका छन् ।

डा. भट्टराई प्रगतिशील नेपाली समाज समिति, भारतको अधिवेशन उदघाटनको निम्ति भारत भ्रमणमा छन् ।

यसअघि डा .भट्टराईले नेपालका लागि पूर्व भारतीय राजदूतहरू श्याम शरण, राकेश सूद, रञ्जित रे, मंजिवसिंह पुरी एवं परराष्ट्र विज्ञहरू प्र.। मुनी, प्रा. मट्टु र वरिष्ठ सञ्चारकर्मी भारत भूषणसँग भेटघाट गरेका थिए । भेटका अवसरमा डा. भट्टराईले नेपाली जनता लोकतन्त्रको बिरोधमा नभएको, प्रधानमन्त्री केपी ओलीसँग असन्तुष्ट भएको बिचार राखेका थिए ।