किन भइरहेछ बालेनको प्रशंसा र ओलीको सत्तोसराप ?

काठमाडौं । देशको राजधानी काठमाडौं महानगरपालिकाका प्रमुख बालेन्द्र साह(बालेन)ले २०८० साल भदौमा सरकारले महानगरका गाडीहरु रोकेमा सिंहदरबारमा आगो लगाइदिन्छु भन्दै अराजक स्टाटस लेखे ।

साहको जस्तो स्टाटस अन्य कसैले लेखेकोभए प्रहरीले तत्कालै फौजदारी अभियोग लगाएर जेलमा हालिन्थ्यो । तथापि उनलाई ऐन, कानूनले छोएन ।

महानगर प्रहरीले निर्दयी तरिकाले सामान फालिदिने अभद्र व्यवहार गरिदिएपछि अति नै भएर धर्मपथ क्षेत्रमा फुटपाथमा ब्यापार गर्ने तीन जना महिला व्यापारीले आत्महत्या नै गरिसकेका छन् । कतिपय अभियन्ताहरुले शहर गरिबको पनि हो भनेर आफ्ना विचारहरु पनि प्रवाह गरे । तर, बालेन साहले सडकमा ब्यापार गर्नेहरुको चित्कार सुनेनन् । उनले निर्ममता र निर्दयीताको पराकाष्टा नै देखाएको आरोप छ ।

नगर प्रहरीहरु यसअघि पनि फुटपाथ ब्यापारमा कडाई गर्दै आएका थिए । तर, यो स्तरको बन्देज भने थिएन । बालेन काठमाडौंको नगर प्रमुख बन्लान् भन्ने कसैले पनि सोचेका थिएनन् । पेशाले उनी एक ¥यापर हुन् । भ्युअर बढाउन नगर प्रमुखमा उठेका हुन् भनिन्थ्यो । उनी महानगर प्रमुखमा निर्वाचित भएपछि अहिले सार्वजनिक क्षेत्रमा बिनानक्सा बनाइएका घरहरु भत्काउने क्रम जारी छ ।

यसअघि विद्यासुन्दर शाक्य महानगर प्रमुख हुँदा पनि नगर प्रहरीले कतिपय फुटपाथ ब्यापारीहरुको समान उठाइदिने गर्दै आएको थियो । तथापि यो किसिमको क्रुर ब्यवहार गरिएको थिएन । बालेन कसैसँग पनि उनी आफैं फेस गर्दैनन् । उनले राजाले जस्तै गरी आफ्नो स्टाटस लेखिदिन्छन् । महानगरमा नेपाल सरकारको प्रतिनिधिका रुपमा प्रशासकीय अधिकृतहरु बसन्त अधिकारी, प्रदीप परियार र सरोज गुरागाई लगायतले उनीसँग काम गरे । तर, पनि उनको कामबाट खुशी हुन सकेनन् । किनकि उनी युट्युव च्यानल लगाएर लाइभ गर्ने नाममा बदनाम गराइदिन्छन् ।

महानगरपालिकाले हिजो स्वीकृति दिएर बनाइएका कतिपय संरचनाहरु क्षतिपूर्ति बिनै भत्काइएका छन् । हिजो सहमति दिने कर्मचारीहरुलाई कुनै कारबाही गरिएको छैन । महानगरपालिकाका उनी मातहतका कतिपय कर्मचारीलाई उनले सबै छुट दिएका छन् । उनले यो संविधान अन्तर्गत महानगरको प्रमुख भएपछि कानून मान्दिन भन्न मिल्दैन, तथापि उनी कानून भन्दा माथि भएको भान आम मानिसलाई देखाउन चाहन्छन् ।

बालेनको पछाडि कुन शक्ति छ ?

बालेन साह किन यो स्तरमा बिरोध गर्न तयार छन् ? भन्ने विषयमा धेरै मानिसहरुको कौतुहलता छ । कसैले उनलाई उत्तरप्रदेशको पूर्व मूख्यमन्त्री योगी आदित्यनाथबाट सञ्चालित पात्रको रुपमा लिएका छन् भने कसैले भारतीय खुफिया एजेन्सीको एक सिपाहीका रुपमा ब्याख्या गरेको पाइन्छ । त्यसो त उनी आरएसएसको मानिस भन्नेहरु पनि छन् । कतै उनलाई युक्रेनी राष्ट्रपति जेलेन्स्कीकै एक नेपाली रुपमा ब्याख्या गरेको पाइन्छ । अहिले उनलाई कतिपयले राजनीतिक दल खोल्न उक्साएको सामाजिक सञ्जालमा देख्न र सुन्न पनि पाइन्छ ।

किन ओलीको विरोध गर्छन् भारतीय मिडियाहरु ?

भारतीय मिडियाहरु प्रधानमन्त्री ओलीको विरुद्धमा ज्यान फालेर लागेका छन् । भारतीय खुफिया संस्था रअ (रिसर्च एण्ड एनालाइसिस विङ) को लगानीमा सञ्चालित आजतकले प्रधानमन्त्री ओलीको कम्बोडियामा लगानी रहेको हावादारी प्रचार गरेको थियो । त्यही अफवाहपूर्ण कुरालाई ओली बिरोधी मिडियाले खुबै प्रचार गरे । त्यसमा नेपालका कतिपय मिसन मिडियाहरुले पनि घ्यू थप्ने काम गरे । भारतीय मिडियाहरु संसारमै कम विश्वसनीय छन् । उनीहरु तिललाई पहाड बनाएर समाचार पस्किने गर्छन् । उनीहरुले आधार र प्रमाणबेगर नै कतिपय समाचारको सम्प्रेषण गरिरहेका हुन्छन् । त्यहाँका गरिब, दलित र असहायहरुको उनीहरु उनीहरु कहिल्यै पनि सहारा बन्न सक्तैनन् ।

भारतको राजधानी दिल्ली बृद्धाहरुको लागि जोखिमपूर्ण स्थानको रुपमा मानिन्छ । त्यहाँको वास्तविक अवस्था भारतीय मिडियामा उजागार नै हुँदैन । अझ कतिपय नेपाली मिडियामा त झनै लुकाउने गरिएको छ । भारत अहिले गरिब र असाहायका लागि संसारमै अति खरावमध्येको पर्छ ।

बालेन गरिब कि धनीमैत्री ?

बालेन साह महानगरका धनीको लागि मात्रै सहयात्री बनेका छन् । उनले घरधनीसँग उचित कर उठाउन सकिरहेका छैनन् । काठमाडौं महानगरपालिकामा रहेका अधिकांश घरधनीले ७ तलाको घरमा ६ तलाको भाडा उठाए पनि दुई तलाको मात्रै कर तिरेका छन् । २०८१ माघ १४ गते प्रकाशित डायरी एक्सप्रेस साप्ताहिकबाट साभार