संघीय सचिवालयमा करारका कर्मचारीको हालीमुहाली

काठमाडौं । संघीय सचिवालय निर्माण तथा ब्यवस्थापन कार्यालयमा ४ बर्षदेखि रजगज गर्दैआएका स्टोरकिपर (नासु) पशुपति पोखरेलको सरुवा भए पनि खरिदमा सेटिङ गर्ने करारका कर्मचारीले खरिदमा सेटिङ गर्दैआएका छन् ।

नेपाल सरकारका अति बिशिष्ट(भीभीआईपी) पदाधिकारी र मन्त्रीहरुको कार्यालय र निवासका सामान खरिद गर्नेदेखि ब्यवस्थापन र मर्मत गर्ने सहरी विकास मन्त्रालय अन्तर्गतको संघीय सचिवालय निर्माण तथा ब्यवस्थापन कार्यालयले गर्दछ । उनीहरुको निवासमा आवश्यक सबै सामान खरिद गर्ने जिम्मा पाएको कार्यालयका कर्मचारीहरुले सप्लार्यसहरुसँग सामान आपूर्ति नै नगरी बिलमात्र पेश गरेर मात्र भुक्तानी गर्ने गरेको आरोप छ ।

संघीय सचिवालयमा सामान आपूर्ति गर्ने कम्पनीहरुसँग डिल गर्ने सबै काम करारकी कर्मचारी सानु खरेलले गर्दैआएकी छन् । करारका कर्मचारीलाई महत्वपूर्ण जिम्मा दिन मिल्दैन । तर ब्यवस्थापन कार्यालयले स्टोरको सामान खरिदको जिम्मेवारी दिएर राखिएको छ । स्टोरकिपर भर्खरै सरुवा भएका नायबसुब्बा सुनिल रोकाय छन् । तर करारमा कार्यरत खरेलले नै स्टोरको कमाण्ड सम्हाल्ने गरेकी छन् ।

करारका कर्मचारीलाई स्टोरजस्तो महत्वपूर्ण जिम्मेवारी दिएकोबारेमा संघीय सचिवालय तथा ब्यवस्थापन कार्यालयका प्रमुख चक्रवर्ती कन्ठले भने–‘स्टोरकिपर नायबसुब्बा रोकाय हुनुहुन्छ । करारका कर्मचारीलाई स्टोरको जिम्मा दिइएको छैन ।’