२० हजार घुस लिने अदालतका २ कर्मचारी पक्राउ

काठमाडौं । अख्तियार दुरुपयोग अनुसन्धान आयोगले २० हजार घुस लिने जिल्ला अदालत कपिलवस्तुका २ कर्मचारीलाई नियन्त्रणमा लिएको छ ।

जिल्ला अदालत, कपिलबस्तुका तहसीलदार सन्तोषकुमार मिश्र र कम्प्युटर अपरेटर विकास पाण्डेले बेरितको बण्डा मुचुल्का बदर गर्ने प्रयोजनार्थ सेवाग्राहीसँग घुस लिइसकेको अवस्थामा अख्तियारको कार्यालय, बुटवलबाट खटिई गएको टोलीले २० हजार रुपैयाँ घुस लिइसकेको अवस्थामा मंगलबार नियन्त्रणमा लिएको हो ।

तहसीलदार मिश्र र कम्प्युटर अपरेटर पाण्डेलाई सेवाग्राहीबाट २० हजार रुपैयाँ घुस र स्रोत नखुलेको ९६ हजार ८ सय रुपैयाँसहित कपिलबस्तु नगरपालिका वडा नं १ स्थित गौढीचोकबाट नियन्त्रणमा लिई थप अनुसन्धान भइरहेको आयोगले जारी गरेको विज्ञप्तिमा उल्लेख छ ।