माओवादीका नेताहरुको बैठक बालुवाटारमा जारी

काठमाडौं । माओवादी धारका नेताहरुको बैठक बसेको छ ।  प्रधानमन्त्री निवास बालुवाटारमा बैठक बिहान साढे ८ बजेदेखि जारी छ ।

सो बैठकमा प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड, नेसपा अध्यक्ष डा। बाबुराम भट्टराई, क्रान्तिकारी माओवादीकाका नेता सिपी गजुरेल, नेकपा माओवादीका प्रवक्ता प्रकाण्ड, नेकपा बहुमतका नेता धर्मेन्द्र बास्तोला, नेकपा माओवादी समाजवादीका अध्यक्ष कर्णजित बुढाथोकीलगायत उपस्थित रहेका छन् ।

प्रधानमन्त्री प्रचण्डविरुद्ध द्वन्द्वकालीन घटनाको मुद्दा दर्ता गर्न सर्वोच्च अदालतले आदेश दिएपछि माओवादी नेताहरु एकजुट भएका हुन् ।बैठकमा पार्टी एकता वा कार्यगत एकताबारे छलफल भईरहेको प्रधानमन्त्रीको सचिवालयले जनाएको छ ।