सिन्धुलीमा एसबीआई बैंकबाट ३ करोड लुटपाट, सवारी चालक पक्राउ

काठमाडौं । सिन्धुलीको घ्याङ्लेक गाउँपालिकामा रहेको नेपाल एसबीआई बैंक लुटिएको छ ।

जिल्ला प्रहरी कार्यालय सिन्धुलीका अनुसार मंगलबार साँझ करिब साढे ७ बजेतिर बैंकमा लुटपाट भएको हो ।

मंगलबार साँझ ६ जनाको नकावधारी समूहले बैंक कब्जा गरी ३ करोड १० लाख ९५ हजार रुपैयाँ लुटपाट गरेर फरार भएको हो ।

जिल्ला प्रहरी कार्यालय सिन्धुलीका प्रहरी प्रमुख एसपी लालध्वज सुवेदीका अनुसार नकावधारी समूहले बैंकका सुरक्षागार्डलाई कुटपिट गरेर सेफमा भएको रकम लुटेर फरार भएका थिए ।

सुवेदीका अनुसार घटना लगत्तै प्रहरीले खोजतलास गर्दा नजिकै रहेको जंगलबाट १ करोड ८० हजार १० हजार ५ सय रुपैयाँ बरामद गरिएको छ ।

प्रहरीले लुटेरा आएको टाटा सुमो र त्यसका चालकलाई समेत नियन्त्रणमा लिएको छ । चालक बनेपाका हुन् भने सबै लुटेरा बनेपाबाट गएका थिए । अरु लुटेराको खोजी भइरहेको प्रहरीले जनाएको छ ।