एसिया कप: पाकिस्तानले टस जित्याे, भारतले पहिला ब्याटिङ गर्ने

काठमाण्डाै – एसिया कप क्रिकेटकाे सुपर फाेर अन्तर्गत भारतसँगकाे खेलमा पाकिस्तानले टस जितेर पहिला बलिङ गर्ने निर्णय गरेकाे छ ।

श्रीलङ्काकाे काेलम्बाेमा टस जितेर पाकिस्तानका कप्तान बाबर आजमले पहिला बलिङ गर्ने निर्णय गरेका छन् । भारतले केहीबेरमा ब्याटिङ थाल्नेछ ।

भारत र पाकिस्तानबीच यो प्रतियोगितामा दोस्रो खेल हुनेछ । सेप्टेम्बर–२ तारिखमा भएको समूह चरणको खेल वर्षाका कारण रद्द भएको थियो । पाकिस्तानले ‘सुपर फोर’ को पहिलो खेलमा बङ्लादेशलाई ७ विकेटले हराएको थियो । भारतले ‘सुपर फोर’ को पहिलो खेल खेल्न लागेको हो ।

आजको खेल वर्षाले प्रभावित हुन सक्ने अवस्थामा ‘रिजर्भ डे’ राखिएको छ । आज खेल पूरा हुन नसकेमा भोलि हुनेछ । सुपर फोरमा भारत, पाकिस्तान, श्रीलङ्का र बङ्लादेश छन् ।

हिजो भएको खेलमा श्रीलङ्कासँग २१ रनले पराजित बङ्लादेशको फाइनल पुग्ने सम्भावना सकिएको छ । उसले अब भारतसँग खेल्न बाँकी छ । भारत र बङ्लादेशबीचको खेल शुक्रबार हुनेछ ।