एसिया कप: भारतविरुद्ध नेपालले पहिला ब्याटिङ गर्ने

काठमाडौं । एसिया कप क्रिकेटको आफ्नो दोस्रो खेलमा नेपाल आज बलियो प्रतिद्वन्द्वी भारतसँग भिड्न मैदानमा उत्रिएको छ। ।

यसै क्रममा भारतविरुद्ध नेपालले पहिला ब्याटिङ गर्ने भएको छ ।

भारतीय कप्तान रोहित शर्माले टस जितेर पहिला फिल्डिङ गर्ने निर्णय गरेपछि नेपालले पहिला ब्याटिङ्ग गर्ने अवसर पाएको हो ।

नेपाल र भारतको सिनियर टोली पहिलो पटक आमनेसामने हुन लागेका हुन्। अन्तर्राष्ट्रिय क्रिकेट खेल्न थालेको करिब तीन दशकपछि नेपालको सिनियर टोलीले पहिलो पटक भारतसँग खेल्ने अवसर पाएको हो।

यस्तै घरेलु टोली पाकिस्तानसँग पहिलो खेलमा पराजय बेहोरेको नेपाल भारतविरुद्ध जित निकाल्दै अघिल्लो चरणमा पुग्ने अभियानमा छ।