भद्रकुमारी घले सेवा सदन खाली गराउन पुग्यो बालेनको डोजर

काठमाडौं । काठमाडाैंकाे अनामनगरमा रहेको भद्रकुमारी घले सेवा सदन खाली गराउन डोजरसहित काठमाडौं महानगरपालिकाको नगरप्रहरी पुगेको छ ।

सार्वजनिक जग्गा कब्जा गरी भद्रकुमारी घले सेवा सदन सञ्चालन गरेपछि महानगर प्रहरीले उक्त भवन खाली गराउने निर्णय गरेको हो । उक्त स्थानमा नगरप्रहरीले केही बेरमा डोजर चलाउने तयारी गरेको छ ।

नगरप्रहरीले तीन दिन अघि उक्त भवन खाली गर्न भन्दै सूचना दिएको थियो । तर तीनभित्र पनि भवन खाली नगराएपछि नगरप्रहरीले आज डोजर चलाउन लागेको हो ।

सदनमा ठूलो संख्यामा प्रहरी समेत परिचालन गरिएको छ। उक्त भवनमा आश्रम सञ्चालन गरिराखेको थियो । त्यहाँ असहाय अशक्त वृद्धवृद्धाहरुलाई आश्रय दिइरहेकाे थियाे । याे आश्रम २०६२ सालमा सञ्चालन गरेकाे थियाे ।

भद्रकुमारी घलेले संग्रहालयमा भएको आफनो सामान सुरक्षित साथ घरमा पुयाईदिन आग्रह गरेको नगरप्रहरी प्रमुख राजु पाण्डेले बताए ।