नागरिक उड्डयन प्राधिकरणका डीजी अधिकारीमाथि दुव्र्यवहार गर्ने ३ जना पक्राउ

काठमाडौं । नेपाल नागरिक उड्डयन प्राधिकरणका महानिर्देशक प्रदीप अधिकारीमाथि दुव्र्यवहार गर्ने तीन जनालाई प्रहरीले पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीले अधिकारीमाथि आक्रमण गने तीन जनालाई पक्राउ गरेको हो ।

पक्राउ पर्नेहरुमा सर्लाही घर ३४ वर्षीय हेम तामाङ, रामेछाप घर भएका ३० वर्षीय सिर्जन अधिकारी र काभ्रे घर भएका ३७ वर्ष जति कोकिल बहादुर शाही छन् ।

उनीहरू तीन जनाले सोमबार राति साढे ५ बजेतिर ललितपुरको सातदोबाटोस्थित एन्फा कम्लेक्सको गेट अगाडि प्रदीप अधिकारीको गाडी रोकेर हातपातको प्रयास गरेका थिए ।

उनीहरूमाथि अनुसन्धान भइरहेको हरीले बताएको छ ।
उनीहरूले प्रदीप अधिकारीको गाडी अगाडि स्कुटर रोकेको प्रहरीले जनाएको छ । पछि हल्ला भएपछि श्रीजन स्कुटर त्यहीँ छाडेर भागेका थिए ।

उनीहरूमाथि प्रहरीले थप अनुसन्धान अघि बढाउने भएको छ । उनीहरूले बयानमा आफूहरू तीनजनामात्रै संलग्न रहेको बताएका छन् ।

सीसीटीभी फुटेजमा भने अरू व्यक्तिहरू पनि देखिएकाले अरूको पनि खोजी भइरहेको छ ।

जेनजी भन्दै उनीहरुले अधिकारीमाथि आक्रमण गरेका थिए । अधिकारीमाथि यसअघि जेनजीको सहसंयोजक बताउने र सुदन गुरुङसँगै प्रायः वार्तामा बस्दैआएका अर्जुनबहादुर शाहीले प्राधिकरणमै गएर अनधिकृत रुपमा धाकधम्की दिने, राजीनामा दिन दबाब दिने काम गरेका थिए । तर शाही बैकिङ कसुरदेखि बैदेशिक रोजगार ठगी लगायत १० वटा फौजदारी कसुरमा फरार अभियुक्त भएको छताछुल्ल भएपछि उनलाई प्रहरीले पक्राउ गरिसेकेको छ ।

शाहीले अख्तियार दुरुपयोग अनुसन्धान आयोगमा कार्यरत प्रहरी सहायक निरीक्षक अ(सई)को परिचयपत्र समेत बोकेको भेटिएको थियो । सोमबार अधिकारीमाथि आक्रमण गर्नेहरु अर्जुन शाहीबाटै परिचालित समूह भएको आशंका पनि गरिएको छ ।