ओलीलाई सहजतापूर्वक नेतृत्व हस्तान्तरण गर्न योगेश भट्टराईको सुझाव

काठमाडौँ । नेकपा (एमाले)का सचिव योगेश भट्टराईले पार्टी अध्यक्ष केपी शर्मा ओलीलाई सहजतापूर्वक नेतृत्व हस्तान्तरण गर्न सुझाव दिएका छन् । पार्टीको १० औँ केन्द्रीय कमिटी बैठकमा ‘आजको सङ्कट र पार्टी पुनर्गठन’ विषयमा आफ्नो धारणा राख्दै सचिव भट्टराईले अध्यक्ष ओलीलाई यस्तो सुझाव दिएका हुन् ।

पार्टी पुनर्गठनको महत्त्वपूर्ण आयाम नेतृत्व हस्तान्तरण भएको उल्लेख गर्दै भट्टराईले दिएका सुझावमा एमालेका सामु दुईवटा बाटाहरु रहेको बताएका छन् ।

विधान महाधिवेशनमार्फत् वर्तमान पार्टी अध्यक्ष केपी शर्मा ओलीलाई पार्टीको ११ औँ महाधिवेशनबाट पुनः अध्यक्ष हुने गरी मनोवैज्ञानिक सन्देश प्रवाह गरे पनि मुलुकमा उत्पन्न अकल्पनीय र असाधारण परिस्थिति, आम जनताको अपेक्षा लगायतका कुरालाई मनन गर्दै अब ती मनोविज्ञानमाथि पुनर्विचार गर्नुपर्ने भट्टराईले बताएका छन् ।

अध्यक्ष ओलीले तत्कालै पार्टीका वरिष्ठतम् नेतालाई कार्यवाहकको जिम्मेवारी दिएर आगामी महाधिवेशनबाट सहमति वा प्रतिस्पर्धाको आधारमा नयाँ नेतृत्व निर्वाचित गर्ने र उक्त नेतृत्वको वरिपरि पार्टीलाई गोलबन्द र एकताबद्ध गर्नुपर्ने बिकल्प भट्टराईले अगाडि सारेका छन् । दोस्रो विकल्पमा पार्टी अध्यक्षको नेतृत्वमा महाधिवेशन सम्पन्न गर्ने ।

भट्टराईले केन्द्रीय कमिटीमा पेश गरेका सुझाव: