नक्कली भूटानी शरणार्थी प्रकरणको अनुसन्धान गरेका एआईजी केसीलाई सीआईबी प्रमुखको जिम्मा

काठमाडौं । सरकारले एआईजी डा. मनोजकुमार केसीलाई नेपाल प्रहरीको केन्द्रीय अनुसन्धान ब्यूरो(सीआईबी) प्रमुखको जिम्मेवारी दिएको छ । केसीले नक्कली भुटानी शरणार्थी प्रकरण अनुसन्धान गरेका थिए ।

केसी काठमाडौं उपत्यका अपराध अनुसन्धान कार्यालयको प्रमुख(एसएसपी) हुँदा उनको नेतृत्वको टोलीले पूर्वगृहमन्त्री बालकृष्ण खाँण र एमालेका सचिव टोपबहादुर रायमाझी, गृहमन्त्रालयका सचिव टेकनारायण पाण्डेलाई समेत पक्राउ गरेको थियो ।

भूटानी शरणार्थी प्रकरणमा अनुन्धान गरी नेताहरुलाई पक्राउ गरेका कारण कांगे्रेससमेतको गठबन्धनमा बनेको सरकारले उनलाई जिम्मेवारीबाट हटाएको थियो ।

चन्द्रकुवेर खापुङ आईजीपी नियुक्त भएपछि सीआईबीमा प्रमुख पद रिक्त थियो ।

डा. केसी सीआईबी प्रमुख भएसँगै यसको साख फर्काउने अपेक्षा गरिएको छ । सीआईबीले जटिल र जघन्य अपराध, अरबौंका बित्तीय अपराधमा अनुसन्धान गर्नुपर्नेमा पछिल्ला दिनमा बृत्त र परिसर, जिल्ला प्रहरीले गर्ने सानातिना केसमा बढी अलमलिने गरेको गुनासोलाई उनले चिर्ने आशा गरिएको छ ।