एमाले केन्द्रीय समिति बैठक आज पनि

काठमाडौं । नेकपा एमालेको केन्द्रीय समिति बैठक आज पनि बस्दैछ ।

च्यासल, ललितपुर तुल्सीलाल स्मृति प्रतिष्ठान भवनमा उक्त बैठक बस्नेछ । बैठक बिहान ११ः०० बजेबाट सुरू हुनेछ।

हिजोको बैठकमा अध्यक्ष केपी शर्मा ओलीले पार्टीभित्र चौतर्फी आक्रमण भएको र त्यसको डटेर सामना गर्नुपर्नेमा जोड गरेका थिए भने हिजोको बैठकमा उपाध्यक्ष विष्णुप्रसाद पौडेलले बिधान संशोधन प्रतिवेदन तथा महासचिव शंकर पोखरेलले संगठनात्मक प्रतिवेदन पेश गरेका थिए, जसमाथि छलफल जारी रहेको छ ।

हिजोका बैठकमा जना केन्द्रीय सदस्यहरूले धारणा राखिसकेका छन् भने बाँकीले मंगलवार धारणा राखिसकेपछि बैठक समापन गरिनेछ । हरेक सदस्यलाई  बोल्न ३–३ महिनाको समय दिइएको छ । सचिवालय, स्थायी कमिटी र पोलिटव्यूरोबाहेक एमालेमा करिब २३० जना केन्द्रीय सदस्य रहेका छन् ।

मुख्यतयाः बिधान अधिवेशनको पूर्वतयारी तथा पूर्वराष्ट्रपति बिद्यादेवी भण्डारी पुनः एमालेको राजनीतिमा फर्कने बिषयमा यो केन्द्रीय समिति बैठकको मुख्य रूपमा केन्द्रित हुनेछ । यसअघि बसेको सचिवालय बैठकले मुख्यतयाः ७० बर्षे उमेर हद र एक ब्यक्ति २ कार्याकाल भन्दा बढी पदाधिकारीमा बस्न नपाइने भन्ने बिधानको ब्यवस्थालाई खारेज गरेको थियो, जसलाई पोलिटब्यूरोलेसमेत अनुमोदन गरिसकेको छ ।

भदौको २० देखि २२ गतेसम्म ललितपुरको गोदावरीमा एमालेको विधान महाधिवेशन आयोजना गरिएको छ । तर, पूर्वराष्ट्रपति भण्डारीको सदस्यता नवीकरण भने ‘पेन्डिङ’ मा राखेको जनाएपछि अध्यक्ष ओलीले भण्डारीलाई पुनः सक्रिय राजनीतिमा फर्कन रोक लगाइएको रूपमा अर्थ्याइएपछि आइतवार साँझसम्म दुबै नेताबीचमा च्यासलस्थित कार्यालयमा भेटघाट र छलफल भएको थियो ।