काठमाडौँको फोहोर बञ्चरेडाँडामा फाल्न स्थानीयको रोक

काठमाडौँ। सरकार र काठमाडौँ महानगरपालिकाले सहमति कार्यान्वयन नगरेको भन्दै नुवाकोटको बञ्चरेडाँडाको ल्याण्डफिल साइटमा आजदेखि फोहोर फाल्नमा स्थानीयले रोक लगाएका छन् ।

नुवाकोटको ककनी गाउँपालिका र धादिङको धुनिबेसी नगरपालिकाले विभिन्न कारण देखाउदै सोमबारदेखि फोहोर विसर्जनमा अवरोध गरेका हुन्।

बन्चरे डाँडाको ल्याण्डफिल साइटमा फोहोर लिएर जाने गाडीलाई स्थानीयले रोकेका हुन्। स्थानीयहरूले आफ्ना माग पुरा नभएसम्म फोहोर फाल्न नदिने पनि बताएका छन्।

यसैबीच, ककनी गाउँपालिकाले फोहोर बोकेर बन्चरेडाँडा जाने हरेक सवारी साधनबाट १५ सय सम्म शुल्क लिने निर्णय गरेकोमा ककनी गाउँपालिकाविरुद्ध सर्वोच्चमा अदालतमा रिट दायर भएको छ ।