नदीमा बेपत्ता २ बालकको शब सशस्त्रका गोताखोरले निकाले

काठमाडौं । सोमबार रुपन्देही जिल्ला लुम्बिनी साँस्कृतिक नगरपालिका–२ अर्दौलीस्थित दानव नदीमा पौडी खेल्ने क्रममा बेपत्ता भएकामध्ये २ बालकको शव सशस्त्र प्रहरी बलको गोताखोरले मंगलबार बिहान निकालेको छ ।

सोही ठाउँ बस्ने वर्ष १३ को उमेश यादव र बर्ष १२ को मुनु हरीजनको शव फेला परेको हो । उनीहरुको खोजीका लागि राति नै सशस्त्र प्रहरी बल नेपाल नं.४२ रिजर्भ गण बाँकेबाट गोताखोर परिचालन गरिएको थियो ।

सुरक्षा वेश लुम्बनीबाट सशस्त्र प्रहरी नायब उपरीक्षक दिपक कोइरालाको कमाण्डमा खटिएको गोताखोरसहितको टोलीले मंगलबार बिहान बेपत्ता भएकै स्थानबाट २ बालकको शब फेलापारेको हो । बेपत्ता मध्ये १४ बर्षका राज यादबको शब भने सोमबार साँझ फेलापरेको थियो ।