एलओडीबाट लगेर बालिका बलात्कार गरेको आरोप लागेका कोइराला पुर्पक्षका लागि थुनामा

काठमाडौं । काठमाडौंको नाइट क्लब लर्ड अफ ड्रिंक्स अर्थात एलओडीबाट १५ वर्षीया बालिकालाई ललितपुर लगेर बलात्कार गरेको आरोप लागेका सुदनबहादुर कोइरालालाई जिल्ला अदालत ललितपुरले पुर्पक्षका लागि थुनामा पठाएको छ । अदालतको आदेशसँग कोइरालालाई नख्खु कारागार चलान गरिएको जिल्ला प्रहरी परिसर ललितपुरले जनाएको छ ।

५० वर्षीय कोइरालाले ३० जेठमा एलओडी क्लबाट १५ वर्षीया किशोरीलाई ललिपुर लगेर बलात्कार गरेको भन्दै पक्राउ गरेको थियो । तीनै बालिकालाई प्रवेश गराएको आरोपमा एलओडीका दुई सञ्चालक पनि पक्राउ परेका थिए । तर, उनीहरुलाई जिल्ला सरकारी वकिलको कार्यालय, काठमाडौंले मुद्दा चलाउन नपर्ने राय दिएपछि यसअघि नै रिहा गरिएको थियो ।