दलित भनेर विभेद गरेको आरोपमा घरबेटी पक्राउ

काठमाडौं। दाङमा आफ्नो घरमा कोठा भाडामा बस्ने व्यक्तिलाई दलित भनेर विभेद गरेको आरोपमा एक जना पक्राउ परेका छन् । पीडितको उजुरीको आधारमा प्रहरीले उनलाई नियन्त्रणमा लिएको हो ।

पक्राउ पर्नेमा घोराही उपमहानगरपालिका-१७ का ताराप्रसाद पोखरेल रहेका छन् । पोखरेलमाथि आफ्नो घरमा डेरामा बसेका अंगराज परियार र महेन्द्र बिश्वकर्मालाई जातकै आधारमा विभेद गर्दै कोठा छाड्न दबाव दिएको आरोप छ ।

प्रहरीका अनुसार दलित भएको थाहा पाएपछि शुक्रबार पोखरेलले कोठा छाड्न दबाब दिएका हुन् । भाडामा बस्ने परियार र विश्वकर्माले शुक्रबार नै प्रहरीमा उजुरी दिएपछि प्रहरीले पोख्रेललाई नियन्त्रणमा लिएको हो । पीडित पक्षको जाहेरी आएमा अनुसन्धान सुरु भईरहेको प्रहरीले जनाएको छ ।