काठमाडौँ । नेकपा एमाले प्रदेश एकका सह–इञ्चार्ज समेत रहनु भएका पूर्वमन्त्री भानुभक्त ढकालले एमालेका वरिष्ठ नेता माधवकुमार नेपालले नेतृत्व गरेको असन्तुष्ट समूहमा अहिले तीन थरी विचारको तप्का रहेको बताउनु भएको छ ।
नेकपा एमाले प्रदेश नम्बर एक सम्पर्क कमिटीको पाँचौ पूर्ण बैठकलाई सम्वोधन गर्दै नेता ढकालले यस्तो बताउनु भएको हो । ‘अहिले असन्तुष्ट समूहमा क्षणिक आवेगमा आएर नेतृत्वको रिस गरे पनि सम्पूर्ण रुपमा एमालेलाई समाप्त पार्नु हुँदैन, पार्टी विगार्नु हुँदैन, कमी–कमजोरी केही छन् भने त्यसलाई पार्टी भित्रैबाट समाधान गर्नुपर्छ पार्टी छाडेर जानुहुँदैन भन्ने एउटा ठूलो तप्का छ,’ ढकालले भन्नुभयो, ‘त्यो एमालेलाई साच्चै माया गर्ने तप्का हो । संसद अधिवेशन अन्त्य गरेर अध्यादेशमार्फत एमाले फुटाउने षडयन्त्र भयो भने यो तप्का एमाले छाडेर जाँदैन भन्ने मलाई विश्वास छ ।’ उहाँले एउटा समूह कुनै हालतमा पनि एमालेमा नरहने ठोकुवा गर्नुभयो ।
‘त्यहाँ अर्को एउटा प्रवृत्ति छ । त्यो माओवादी अध्यक्ष प्रचण्डको कार्यकर्ता बन्न चाहन्छ । जति प्रयास गरे पनि त्यो तप्का एमालेमा रहँदैन,’ उहाँले भन्नुभयो, ‘अर्को एउटा पङ्क्ति जो अहिलेको अभियानमा असन्तुष्ट समूहलाई साथ दिइरहेको छ । त्यो पङ्क्ति पार्टी विभाजन हुने अवस्था भयो भने यता–उता कतै पनि नलाग्ने बरु निक्रिय भएर बस्ने निराशावादी पङ्क्ति पनि छ ।’ उहाँले अहिले एमाले छाडेर जानु हुँदैन भन्ने पङ्क्तिलाई १० बुँदेको आधारमा अघि बढाउने कुरामा बढी जोड दिएर पार्टी एकतालाई बलियो बनाउनुपर्नेमा जोेड दिनुभयो ।
केपी शर्मा ओली नेतृत्वको सरकारलाई अपदस्थ गरेर काँग्रेसको नेतृत्वमा सरकार बनाउने कुरा प्रगतिशील हो, अग्रगमन हो भन्नेहरु प्रगतिशील हुनै नसक्ने उहाँले दाबी गर्नुभयो । ‘दक्षिणपन्थीको नेतृत्वमा सरकार निर्माण गरेर केही थान मन्त्री पदको प्रतिक्षामा दौरा–सुरुवाल सिलाउनेहरु प्रगतिशील हुनै सक्दैनन्,’ उहाँले भन्नुभयो । उहाँले कम्युनिष्ट पार्टीकै इतिहासमा गरेको जघन्य अपराध गर्नेहरुलाई प्रगतिशील र अग्रगमनकारी भन्न नसकिने बताउनुभयो । ‘आफ्नो पार्टीको प्रधानमन्त्रीलाई विश्वासको मत दिनेबेलामा फ्लोर क्रस गर्ने र प्रतिक्रियावादी शक्तिलाई जिताउन मतदान गर्ने प्रगतिशील होइनन,’ उहाँले भन्नुभयो, ‘लामो समयदेखि हामीसँग अगाध प्रेम रहेका साथीहरु जति मति विगारे पनि डुक्रिए पनि घरमै बसिदिए हुन्थ्यो भन्ने लागेको छ । तर, हाम्रो मायाले मात्रै नहुने रहेछ । बैठकलाई सम्वोधन गर्दै नेकपा एमाले स्थायी कमिटी सदस्य एवं सम्पर्क समन्वय कमिटी इञ्चार्ज छविलाल विश्वकर्माले नेकपा एमाले अहिले पनि बलियो प्रतिपक्षी दल रहेको भन्दै सरकारमा रहनु–नरहनुमा कुनै अर्थ नरहने बताउनुभयो ।
‘हामी बलियो राष्ट्रिय शक्ति हौँ,’ उहाँले भन्नुभयो, ‘असन्तुष्ट समूह अन्य दलसहितको गठबन्धन हुँदा पनि एमाले बलियो शक्ति हो ।’ नेकपा एमाले केन्द्रीय कमिटी सदस्य पासाङ शेर्पाले सुरुमा अंश नै दिन भन्दै आश्वासन दिने र अन्तिममा चम्चा पनि नदिने प्रवृक्ति प्रचण्डमा रहेको भन्दै माधव नेपाल समूहलाई उहाँको आश्वासनमा नफस्न आग्रह गर्नुभयो । ‘म पहिला एमाले छाडेर माओवादीमा गएँ, प्रचण्डलाई मैले बुझेको छु,’ उहाँले भन्नुभयो, ‘पहिला अंश दिने भन्नुहुन्छ, अन्तिममा चम्चा पनि दिनुहुन्न । त्यसैले उहाँको मायाजालमा नफस्नुहोला ।’ सम्पर्क कमिटीका अध्यक्ष इन्द्र भण्डारीले अब पार्टीलाई एक ढिक्का बनाएर अघि बढ्ने बताउनुभयो ।
काठमाडौँ । नेकपा एमालेका उपाध्यक्ष एवं प्रतिनिधि सभामा संसदीय दलका नेता रामबहादुर थापाले आगामी निर्वाचनमा पपुलिस्ट र लोकतान्त्रिक शक्तिबीचको संघर्ष हुने बताएका छन् । बिहीवार...
काठमाडौैं । उपेन्द्र यादव नेतृत्वको जनता समाजवादी पार्टी (जसपा)बाट निर्वाचित स्थानीय तहका १८ जना जनप्रतिनिधिको पद रिक्त भएको छ । निर्वाचन आयोगले आज सूचना...
काठमाडौँ । नेपाली कम्युनिष्ट पार्टीका संयोजक एवं पूर्वप्रधानमन्त्री पुष्पकमल दाहाल ‘प्रचण्ड’ ले प्रधानमन्त्री वालेन्द्र शाहको आसन्न भारत भ्रमणमा नेपालको राष्ट्रिय हितलाई प्राथमिकता दिन सुझाव...
काठमाडौं। निर्वतमान नेपाल प्रहरीको महानिरीक्षक (आईजीपी)दानबहादुर कार्कीले दायर गरेको रिटमाथि बहस सकिएको छ। न्यायाधीश श्रीकान्त पौडेलको इजलासमा बहस सकिएको हो। दुवै पक्षका कानुन व्यवसायीको...
काठमाडौँ । नेकपा एमालेका अध्यक्ष केपी शर्मा ओलीले वर्तमान सरकारप्रति कटाक्ष गरेका छन् । उनले रास्वपा नेता बालेन्द्र शाह नेतृत्वको सरकार बनेपछि समाज उल्टोबाटोतिर...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend