काठमाडौं । स्वास्थ्य सेवा बिभाग टेकूले आर्थिक बर्ष २०७९–०८० मा २१ करोड वटा आइरन चक्की खरिद गर्यो । प्रतिगोटा ८६ पैसाम खरिद गरिएको उक्त आइरन चक्की म्याद सकिएर ७ करोड चक्की उपयोग नभई राज्यलाई करिब ७ करोड रुपैयाँ घाटा भएको थियो । १४ करोड ट्याब्लेट आवश्यकता भए पनि कमिसनकै लागि २१ करोड आइरन चक्की म्याद पनि छोटो समय भएको खरिद गरिएको थियो ।
सो २१ करोड आइरन चक्की बजारमूल्य भन्दा झन्डै सतप्रतिशत बढी रकममा खरिद गरिएको थियो । प्रदेशले ३५ देखि ४० पैसामा खरिद गर्दा स्वास्थ्य सेवा बिभागले भने ८६ पैसा प्रतिचक्की आइरन चक्की खरिद गरेको थियो । अरु प्रदेशको भन्दा १० करोड बढीमा खरिद गरेको तथ्य छर्लङ्ग भएको छ । म्याद गुज्रेको घाटा कम्तीमा ५ करोेड र प्रदेशभन्दा महंगोमा खरिद गरेको १० करोड जोड्दा आइरन चक्कीमा १५ करोड अनियमितता भएको आशंका सहजै गरिएको छ । २०८१–०८२ मा धनगढी स्वास्थ्य आपूर्ति केन्द्रले ४० हजार चक्की आइरन चक्की प्रतिट्याब्लेट ५५ पैसामा खरिद गरेको थियो । तर बिभागले २ बर्षअघि २०७९–०८० मा २१ करोड चक्की ८६ पैसामा प्रतिट्याब्लेट त्यो पनि म्याद नै कम अवधि भएको खरिद गरेको थियो । ४० हजार चक्की खरिद गर्दा ५५ पैसामा आउने आइरन चक्की २१ करोड चक्की खरिदमा त धेरै कम मूल्यमा आउनुपर्ने हो । तर कमिसनको चलखेलका कारण अवधि कम भएको आइरन चक्की ८६ पैसामा खरिद गरी स्वास्थ्य मन्त्रालयको प्रशासनिक नेतृत्व र बिभागका अधिकारीहरुले १५ करोड अनियमितता गरेको आरोप छ ।
७ करोड ट्याब्लेट आइरन चक्की डेट एक्सपायर हुँदा राष्ट्रलाई कम्तीमा करिब ५ करोड करिब नोक्सान भएको क्षतिपूर्ति कसले दिने ? यो क्षतिपूर्ति स्थानीय तहको बजेट संघमा ल्याएर, आवश्यकताभन्दा बढी आइरन चक्की खरिद गर्ने स्वास्थ्य मन्त्रालयको नीति, योजना तथा अनुसन्धान महाशाखाका अधिकारी र नेतृत्वलाई तिराउनुपर्नेमा अख्तियार अहिलेससम्म मौन देखिएको छ ।
अर्को अनियमितता आपूर्तिकर्ताबाटै भएको छ । आपूर्तिकर्ता कम्पनी नोबाजियनले आइरन चक्कीको ठेक्का पाएकोमा उसले एकै कम्पनीको आइरन चक्की दिने गरी सम्झौता गरेकोमा २ वटा कम्पनीको चक्की आपूर्ति गरेको थियो ।
म्याद सकिन लागेको औषधि वा आइरन चक्की कम्पनीले थप सस्तोमा दिने भएकाले आइरन चक्की खरिदमा १० करोड भन्दा बढी अनियमतता भएको अख्तियारले गहन अनुसन्धान गरेको भए खुल्नेथियो । आइरन चक्की खरिदमा करिब १५ करोड अनियमितता भएकोले अख्तियार दुरुपयोग अनुसन्धान आयोगमा उक्त घोटालाको छानबिन र दोषीमाथि कारबाहीको माग गर्दै २०८२ कात्तिक २४ मा दर्ता नम्बर सी–०२२८६३ को उजुरी परेको थियो । तर १५ करोड भ्रष्टाचार भएको सप्रमाण उजुरी पर्दा पनि अख्तियारले २ बर्षसम्म किन अनुसन्धान नगरेको हो भन्ने प्रश्न उठेको छ ।
ब्यापारीसँग मिलेर स्वास्थ्य मन्त्रालयको नीति योजना महाशाखाका तत्कालीन प्रमुख डा. कृष्णप्रसाद पौडेल, ब्यवस्थापन महाशाखा प्रमुख सर्वेश शर्मा, तत्कालीन स्वास्थ्या तथा जनसंख्या मन्त्रालयका सचिव डा. रोशन पोखरेल र सप्लायर्स लगबिरुद्ध सोझै मुद्दा दायर हुनुपर्नेमा अहिलेसम्म छानबिन नहुनुलाई रहस्यमय रुपमा लिइएको छ ।
अघिल्लो खरिद प्रक्रिया नै विवादमा परिसकेपछि ०८१–०८२ मा फेरि तत्कालीन स्वास्थ्य मन्त्री प्रदीप पौडेलको दबाबमा स्वास्थ्य सेवा विभागले आइरन चक्की तथा फोलिक एसिड खरिदको टेण्डर गरेको थियो । तर, आर्थिक बर्ष २०७९–०८० को आइरन चक्की खरिदमा अनिययिमतता भएको बिषय बाहिर आएकाले स्वास्थ्य सेवा बिभागका तत्कालीन महानिर्देशक डा. टंक बराकोटीले स्थानीय तहबाट राजीनामा नै दिएका थिए ।
स्थानीय तहले खरिद गर्ने औषधि संघबाट सेटिङमा खरिद गर्दा भोलि अख्तियारको कठघरामा उभिनुपर्ने भएपछि बराकोटीले राजीनामा दिएका थिए । जसका कारण आइरन चक्की खरिदको ठेक्का नै मन्त्रालयले रद्द गर्न बाध्य भएको थियो । तत्कालीन स्वास्थ्य मन्त्री प्रदीप पौडेल र नीति योजना महाशाखाका प्रमुख पौडेलसहितका उच्चपदस्थ कर्मचारीको कमिसनको चलखेल थाहा पाएपछि अढाई बर्ष जागिर बाँकी रहँदै बराकोटीले राजीनामा दिएका थिए ।
काठमाडौँ । औषधि व्यवस्था विभागका महानिर्देशक भरत भट्टराईले एन्टिबायोटिकको बढ्दो दुरुपयोग र प्रतिजैविक प्रतिरोध (एन्टिमाइक्रोबियल रेसिस्टेन्स) नियन्त्रणका लागि सबै क्षेत्रको सहकार्य आवश्यक रहेको बताएका...
काठमाडौँ। स्वास्थ्य अवस्था जटिल बनेपछि इलाममा अनशनरत प्राध्यापक डा. गोविन्द केसीलाई उपचारका लागि काठमाडौं लगिएको छ। उनलाई सेनाको हेलिकप्टरबाट सोमबार बिहान इलामबाट काठमाडौं लगिएको हो। चिकित्सा...
काठमाडौं । पश्चिम नेपालको सबैभन्दा पुरानो भेरी अस्पताल अस्तब्यस्त बनेको छ । बि.स. १९४७ मा वीर अस्पतालसँगै स्थापना भएको अस्पतालको ब्यवस्थापन लथालिङ्ग अवस्थामा पुगेको...
काठमाडौँ । गण्डकी प्रदेश सरकारले पर्वत अस्पतालमा रात्रिकालीन ड्युटीमा खटिएका स्वास्थ्यकर्मीमाथि भएको हातपात तथा दुर्व्यवहारको घटनाप्रति गम्भीर ध्यानाकर्षण भएको जनाएको छ। स्वास्थ्य मन्त्रालयले घटनामा...
काठमाडौं । शिक्षा तथा खेलकुद मन्त्रालयले प्रा डा गोविन्द केसीसँग भएका सहमतिका बुँदा कार्यान्वयनका लागि कार्यदल गठन गरेर आवश्यक प्रक्रिया अघि बढाइएको बताएको छ...
आकर्षक मिडिया प्रा. लि.
अनामनगर मच्छिगल्ली, काठमाडौं
सुचना तथा प्रसारण विभाग
१७८०/०७६-७७
ईमेल: nepalface21@gmail.com
सम्पर्क नम्बर : ०१-४१०२६८२
अध्यक्ष
माधव प्रसाद पौडेल
सम्पादक
राजुप्रसाद तिमल्सिना
© 2026 All right reserved to nepalface.com | Site By : SobizTrend