तीन हजारको सामान खरिद गरेकी सन्तमाया तामाङले जितिन् १० लाख

काठमाडौं। करदाता प्रोत्साहन उपहार कार्यक्रमअन्तर्गत असोज महिनाको दोस्रो पाक्षिकको पुरस्कार घोषणा गरिएको छ । आइतबार काठमार्डौंको न्यरोडस्थित विशाल बजार परिसरबाट असोज महिनाको दोस्रो पाक्षिकको पुरस्कार घोषणा गरिएको हो ।

दोस्रो पाक्षिकको पुरस्कार अन्तर्गत १० लाखको पुरस्कार एसएस फेन्सी हाउसबाट तीन हजारको सामान खरिद गर्ने ग्राहक नुवाकोटकी सन्तमाया तामाङले जित्न सफल भएकी हुन्। पुरस्कार बिजेतालाई कलाकारद्वय दीपकराज गिरी र दीपाश्री निरौलाले फोन गरेर पुरस्कार जितेको जानकारी गराएका थिए।

त्यस्तै १६ जनाले एक लाख रुपैयाँ प्राप्त गरेका छन् । कार्यक्रममा अर्थ मन्त्रालय,आन्तरिक राजस्व विभागका अधिकारीहरूको उपस्थीति रहेको थियो।