पाल्पामा घर पुरिदा एकको मृत्यु दुई बेपत्ता

काठमाडौं । आइतबार बिहान ०४ः०० बजे पाल्पा जिल्ला माथागढी गाउँपालिका–३ भैसेकट्टामा पहिरोले घर र गोठ पुरिदा १ जनाको मृत्यु र २ जना बेपत्ता भएका छन् ।

अविरल बर्षाका कारण पहिरो आई एक घर एक गोठ पुरिएर सोही ठाउँका बर्ष ७५ को लिलबहादुर घर्ती मगरको शव फेला पारेको छ, भने उनको छोरी बर्ष १७ कि दिना घर्ती मगर र वर्ष १५ कि झरना घर्ती बेपत्ता छन् ।

पहिरोले ३ जना हराइरहेको भन्ने खबर प्राप्त हुनासाथ सशस्त्र प्रहरी बल नेपाल नं. ३५ गुल्म पाल्पाबाट खटिएको सशस्त्र प्रहरी र नेपाल प्रहरीले जेसीवीको सहायता उद्धार कार्य भइरहेको छ । सोही स्थानका अन्य केही घरसमेत जोखिममा रहेको बुझिएको सशस्त्र प्रहरी बलले जारी गरेको विज्ञप्तिमा उल्लेख छ ।