गौरीबहादुर कार्कीलाई सुरक्षा ‘थ्रेट’, सेनाको ब्यारेकमा लाने तयारी

काठमाडौं । गएको भदौ २३ र २४ गते भएका घटनाको छानबिनका लागि गठित जाँचबुझआयोगका अध्यक्ष गौरीबहादुर कार्कीलाई सुरक्षा खतरा भएपछि सैनिक ब्यारेकमा राख्न लागिएको छ ।

भक्तपुरको गुण्डुस्थित कार्की निवास वरिपरि सुरक्षा व्यवस्था कडा पारिएको छ र सो क्षेत्रमा ठूलो संख्यामा प्रहरी परिचालन गरिएको छ ।
कार्कीको व्यक्तिगत सुरक्षा सुनिश्चित गर्न सेनाको ब्यारेकमा राखिने तयारी गरिएको हो ।

यसअघि सुधन गुरुङले सुरक्षा निकायका प्रमुखहरूलाई सिंहदरबार बोलाएर घटनाबारे छलफल गरेका थिए ।

कार्की आयोगका सिफारिसका आधारमा शनिबार प्रहरीले पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पक्राउ गरेको थियो ।

त्यसयता नेकपा एमालेका नेताकार्यकर्ता आक्रोशित छन् । अध्यक्ष ओली पक्राउ परेपछि नेपाल कम्युनिष्ट पार्टी (एमाले) ले देशव्यापी विरोध कार्यक्रम घोषणा गरेको छ ।