कार्की आयोगको प्रतिवेदनमा त्रुटि नै त्रुटि, झलनाथ पत्नीको नामै अर्कै, दाहालको थरै परिवर्तन

काठमाडौं । भदौ २३–२४ गतेको जेनजी आन्दोलन र बिध्वंशको बारेमा छानबिन गर्न गठन भएको गौरीबहादुर कार्की नेतृत्वको जाँचबुझ आयोगको प्रतिवेदनमा त्रुटि नै त्रुटि देखिएको छ ।

सरकारले सार्वजनिक नगरेको र जनआस्था साप्ताहिकमार्फत् सार्वजनिक भएको उक्त प्रतिवदेनमा राष्ट्रपति कार्यालयका सचिव दीपक काफ्लेको थर नै परिवर्तन गरी कार्की बनाइएको छ ।

पूर्वप्रधानमन्त्री तथा नेपाली कम्युनिष्ट पार्टी(नेकपा)का बरिष्ठ नेता झलनाथ खनालकी पत्नी रविलक्ष्मी चित्रकारको नामै अर्कै लेखिएको छ । उनको नामै फेरेर कार्की आयोगले राज्यलक्ष्मी चित्रकार बनाइदिएको छ ।

बागमती प्रदेशको सदरमुकाम मकवानपुरलाई कोशी प्रदेशमा पुर्याइदिएको छ । प्रतिवेदन तयार गर्ने क्रममा कम्प्युटर टाइप गर्नेले समेत मकवानपुर कुन प्रदेशम पर्दछ भन्ने सामान्य ज्ञान राख्नुपर्ने हो । तर लापरबाही र त्रुटि गरेको देखिन्छ ।

अमेरिकामा बसी भदौ २४ गते सामाजिक संजालमा भ्रामक सूचना फैलाई भीडलाई उकास्ने सोसल मिडिया इन्फु्लुएन्सर टंक ढकालको थर परिवर्तन गरी दाहाल बनाइदिएको छ । यी र यस्ता धेरै त्रुटि कार्की आयोगको प्रतिवेदनमा छन् । सामाजिक संजालमा कार्की आयोगले कति हचुवाका आधारमा प्रतिवेदन तयार गरिएको रहेछ भनेर टिकाटिप्पणी ब्यापक भइरहेका छन् ।