मन्त्रीका लागि मिडियाबाजी गर्नेहरुलाई रविले किन दिए चेतावनी ?

काठमाडौं । रष्ट्रिय स्वतन्त्र पार्टी(रास्वपा)का सभापति रवि लामिछानेले मन्त्री बन्नका लागि मिडियाबाजी र शक्तिकेन्द्र धाउने क्रम रोक्न सचेत गराएका छन् । धेरै सांसद मन्त्रीका लागि मिडियामाबाजीमा उत्रिएपछि उनले बुधबार टुलिप होटलमा प्रशिक्षण दिंदै मन्त्री हुनका लागि मिडियाबाजीमा नलाग्न चेतावनी दिएका हुन् ।

मन्त्री हुनका लागि मिडियामा आफ्नो बखान गराउन कतिपय सांसद तल्लीन भएपछि लामिछानेले त्यसो नगर्न निर्देशन दिएका हुन् । कांग्रेस, एमाले, नेकपा र मधेशवादी दल सरकारमा हुँदा पाउनुसम्म अवसर पाएका र कमाएर नवधनाढ्य भई रास्वपामा आएर चुनाव जित्ने र मन्त्री हुने, करोडौं कमाउने उद्देश्यले आएकाहरु रविको सम्बोधनपछि निराश भएको हुनुपर्छ । रविले रास्वपामा आएका त्यस्ता पात्रहरुलाई विगतकै प्रबृत्ति बोकेर नआउन चेतावनी पनि दिएका छन् ।

यो पनि पढ्नुहोस् :

मिडियामा मन्त्री हुनेको लर्को, बालेनको सूचीमा को–को ?

मिडियामा भावी मन्त्रीका रुपमा सामाजिक संजालदेखि मिडियामा प्रशस्तिगान लेखाउनेमा भरत पराजुली, राजुनाथ पाण्डे, धनन्जय रेग्मी, हरिमोहन भण्डारी, गोविन्द पन्थी, सुनिल लम्साल लगायत छन् ।

पराजुली हाइड्रोपावर ब्यवसायी भए पनि ऊर्जामन्त्री हुन्छु भन्दै टेलिभिजनमा अन्तर्वार्ता दिएका थिए । जबकि हाइड्रो ब्यवसायीलाई ऊर्जामन्त्री बनाउनु स्वार्थको द्वन्द्व हुने जगजाहेर छ । हाइड्रो ब्यवसायी दीपक खड्कालाई अघिल्लो सरकारले ऊर्जा मन्त्री बनाउँदा चर्को बिरोध भएको थियो ।

हरिमोहन भण्डारीले आफू जग्गा कारोबारी भएकाले भूमिब्यवस्था मन्त्री चलाउन सक्ने कुरा मिडियामा भनेका थिए । जग्गा ब्यवसायीलाई भूमिब्यवस्था मन्त्रालय दिंदा पनि स्वार्थको द्वन्द हुनेछ । जनताले अपार समर्थन दिएको रास्वपा सरकारले यस्तो स्वार्थ बाझिने मन्त्री नबनाउने कुरा रविको बुधबारको सम्बोधनबाट झल्किसकेको छ ।

त्यसो त मिडियाले सोविता गौतम, डा. तोसिमा कार्की, बिराजभक्त श्रेष्ठ, शिशिर खनालको नाम पनि मन्त्रीका रुपमा चर्चामा ल्याई नै रहेका छन् ।