उज्यालो नेपाल पार्टी : ओलीले अन्याय गरेका कुलमान र अनुप उपाध्याय एकै ठाउँमा

काठमाडौं । विद्युत नियमन आयोगको अध्यक्ष नियुक्तिका लागि २०७५ मंसिरमा ४ महिना अवधि बाँकी हुँदै सचिवबाट राजीनामा दिएर सरकारी सेवाबाट अवकाश लिएका अनुप उपाध्यायलाई अध्यक्ष बनाएर ऊर्जामन्त्री कुलमान घिसिङले उज्यालो नेपाल पार्टी (उनेपा) दर्ता गराएका छन् ।

नेकपाका तत्कालीन प्रधानमन्त्री केपी शर्मा ओली सरकारका ऊर्जामन्त्री बर्षमान पुनले विद्युत नियमन आयोगको अध्यक्ष बनाउन उपाध्यायलाई २०७५ मंसिरमा सचिवबाट राजीनामा दिन लगाएका थिए । उनी २०७५ फागुनमा अवकाश पाउँदै थिए । तर ४ महिनाअघि उनलाई राजीनामा दिन लगाइएको थियो ।

ऊर्जामन्त्री पुनले आयोगको अध्यक्षमा नियुक्तिका लागि उपाध्यायलाई सिफारिस गरेका पनि थिए । उनीसहित आयोगको सदस्यका लागि रामप्रसाद धिताल, रामेश्वर कलवार, रामकृष्ण खतिवडा र भागिरथी भट्टराई ज्ञवालीलाई सिफारिस गरिएको थियो ।

आवेदन मागेर सिफारिस गरिएका अध्यक्षसहितका सदस्यको नियुक्ति तत्कालीन प्रधानमन्त्री ओलीले रोकिदिएका थिए । र,  मन्त्रिपरिषदमा मन्त्री पुनले लगेको प्रस्ताव अलपत्र प¥यो । उपाध्यायको नियुक्ति ४ महिनााभन्दा बढी रोकियो ।

तत्कालीन ऊर्जामन्त्री पुनले सिफारिस गरेका उपाध्यायलाई आयोगको अध्यक्षमा नियुक्ति नगरी ओलीले दिल्लीबहादुर सिंहलाई आयोगको अध्यक्षमा नियुक्त गरेका थिए ।

विद्युत नियमन आयोग ऐन २०७४ संसदबाट पारित भए पनि करिब २ बर्षसम्म पदाधिकारी नियुक्ति रोकेर पछि अधिकारसम्पन्न विद्युत नियमन आयोग गठन गर्नका लागि २०५८ देखि नै पहल सुरु भएको थियो । तर ओलीले आयोगको अध्यक्ष हुनबाट रोकेका उपाध्याय र गएको चैतमा डेडिकेटेड र ट्रकलाइनको ८ अर्ब रुपैयाँ बक्यौता असुली गर्न खोज्दा नेपाल विद्युत प्राधिकरणको कार्यकारी निर्देशकबाट हटाइएका कुलमान घिसिङ मिलेर उज्यालो नेपाल पार्टी गठन गरेका छन् ।