प्रतिनिधिसभा बैठक बस्दै

काठमाडौं । प्रतिनिधिसभाको बैठक आज बस्दैछ ।

संघीय संसद भवन, नयाँबानेश्वरमा उक्त बैठक बस्नेछ । बैठक दिउँसो १ः०० बजे बोलाइएको छ ।

भिजिट भिसा प्रकरणमा गृहमन्त्री रमेश लेखकको राजीनामा र उच्चस्तरीय छानबिन समितिको माग गर्दै प्रतिपक्षी दलले हिजो पनि उनीहरूले संसदमा अबरोध गरिरहेका छन् ।

पटक पटक स्थगित हुँदै आएको बिहीवारको बैठक सुरू हुनासाथ प्रतिपक्षीले उठेर अवरोध गरे पनि सभामुख देवराज घिमिरेले दलीय आधारमा बोल्न दिने भन्दै बस्न आग्रह गर्दा पनि प्रतिपक्षीले सो प्रस्ताव स्वीकार गरेका थिएनन् ।  त्यसपछि बैठकमा अबरोध कायमै भएपछि सभामुख घिमिरेले आज दिउँसो १ः०० बजेसम्मलाई बैठक स्थगित गरेका थिए ।

शुक्रबारको बैठक पनि बस्दै नबसी स्थगित भएपछि आज १ः०० बजेका लागि तय गरिएको हो । आजको बैठकमा भने विपक्षीहरु गृहमन्त्रीको राजीनामा नआए पनि बैठक सुचारु गर्ने सहमति भएको बताइएको छ ।

बैठकमा उपप्रधान तथा अर्थमन्त्री बिष्णुप्रसाद पौडेलले आर्थिक बर्ष २०८२८३ का लागि पेश गरेको बजेटका बारेमा छलफल गर्ने कार्यसुची रहेको छ तर निरन्तर अबरोध र स्थगितले बजेट माथी छलफल हुन नै सकेको छैन ।