सामाजिक संजालमा चर्को बिरोधपछि उपत्यका बन्द फिर्ता

काठमाडौं । आइतबारको आन्दोलनमा निषेधित क्षेत्र तोडेपछि राष्ट्रिय प्रजातन्त्र पार्टी नेपालका अध्यक्ष कमल थापा पक्राउ परेको बिरोधमा सोमबार उपत्यका बन्दको घोषणा गरेको संयुक्त जनआन्दोलन समितिले अन्ततः मध्यरातमा फिर्ता लिएको छ ।

सामाजिक संजाल फेसबुक, ट्वीटरमा उपत्यका बन्दको चर्को बिरोध भएपछि मध्यरातमा राष्ट्रिय प्रजातन्त्र पार्टीका अध्यक्ष राजेन्द्र लिङ्देनले बन्द फिर्ता लिएका हुन् ।

जेठ १८ गते प्रदर्शनको क्रममा हिरासतमा लिइएका कमल थापा लगायतका नेताहरु रिहा भइसकेको अवस्था मध्यनजर गर्दै जेठ १९ गतेलाई तोकिएको उपत्यका बन्दको कार्यक्रम फिर्ता लिएको संयुक्त जनआन्दोलन समितिले जनाएको छ ।

सोमबार यातायात ब्यवसायीहरुले पनि उपत्यका बन्द घोषणा गरेका छन् ।