राजावादी आन्दोलनको तेस्रो दिन, आज शान्तिवाटिकामा गीत–संगीतको कार्यक्रम

काठमाडौं । संयुक्त जनआन्दोलन समितिले आज शान्तिवाटिका रत्नपार्कमा गीत संगीतको कार्यक्रम प्रस्तुत गर्ने भएको छ । जनताको चाहनाबमोजिम जारी शान्तिपूर्ण आन्दोलनलाई निर्णायक तहमा लैजान आज शान्ति वाटिकामा रत्नपार्कमा गीतसंगीतको कार्यक्रम राखिएको संयुक्त जनआन्दोलन समितिको सचिवालयले जनाएको छ ।

सचिवालयले शनिबार जारी गरेको विज्ञप्तिमा उल्लेख छ–‘जनताको निस्वार्थ साथ, सहयोगले संयुक्त जनआन्दोलन समितिको आह्वानमा शान्तिपूर्ण जनआन्दोलन पूर्ण सफलताका साथ जारी छ । जनताको समर्थनमा आन्दोलन उत्कर्षमा पुग्ने अवस्थाबाट अत्तालिएको सरकारले निषेधाज्ञा जारी गरेको छ ।

जनताको चाहन बमोजिम जारी शान्तिपूर्ण आन्दोलनलाई निर्णायक तहमा लैजान आज जेठ १७ गते शान्ति बाटीका, रत्नपार्कमा दिनको १ बजे भेटौं ।

शनिबार बिदाको दिन, सहभागीह?को सुझाव समेत मध्यनजर गरेर आज ख्यातीप्राप्त कलाकारहरुले गीत संगीतको कार्यक्रम प्रस्तुत गर्नु हुने जानकारी गराइन्छ ।’