पेट्रोलियम पदार्थको मूल्य बढ्यो

काठमाडौं । नेपाल आयल निगमले पेट्रोलियम पदार्थको मूल्यबृद्धि गरेको छ । पेट्रोल, डिजेल र मट्टितेलको मूल्यबृद्धि गरिएको निगमले जनाएको छ ।

हवाई इन्धनको मूल्य भने घटेको छ । इण्डियन आयल कर्पोरेशनबाट शनिबार(जेठ १७, २०८२) मा प्राप्त पेट्रोलियम पदार्थको नयाँ खरिद मूल्य अनुसार मूल्य समायोजन गरिएको निगमले जनाएको छ ।

इण्डियन आयल कर्पोरेशनबाट प्रतिलिटर पेट्रोलमा रु. २.११ ले र डिजेलमा रु. १.०९ ले बढेर आएको छ भने हवाई इन्धनमा रु. २.५७ ले घटेर आएको छ । निगम सञ्चालक समितिको निर्णय अनुसार आइतबार बिहानदेखि लागू हुनेगरी साविकको खुद्रा बिक्री मूल्यमा पेट्रोलमा प्रतिलिटर रु.२ ले र डिजेल-मट्टितेलमा प्रतिलिटर रु. १ ले बढाइएको निगमले जनाएको छ ।

हवाई इन्धन आन्तरिकतर्फ प्रतिलिटर रु. ३ ले र हवाई इन्धन अन्तर्राष्ट्रियतर्फ काठमाडौंको लागि प्रतिकिलो लिटर अमेरिकी डलर २२ ले घटाईएको छ ।

यसैगरी हवाई इन्धन अन्तर्राष्ट्रियतर्फ पोखरा र भैरहवाका लागि ब्रेक इभन पइन्टमा बिक्री मूल्य कायम गरिएको छ । साथै, एल. पी. ग्यासको खुद्रा बिक्री मूल्य यथावत् राखिएको छ ।

नयाँ मूल्यसूची