छविलाल जोशीको बयानका आधारमा रवि लामिछानलाइै नियन्त्रणमा लिने तयारी

काठमाडौं । सहकारी ठगी प्रकरणमा नेपाल प्रहरीका पूर्वडीआईजी छविलाल जोशी पक्राउ परेका छन् ।

गोरखा मिडियाका संचालक समेत रहेका जोशीलाई काठमाडौंबाट पक्राउ गरिएको प्रहरी स्रोतले जानकारी दिएको छ ।

सहकारी संस्था बचत रकम दुरुपयोग सम्बन्धमा संसदीय छानविन समितिले सहकारीको रकम अपचलन गरेको आरोपमा जोशीसहित गोरखा मिडियाका जीबी राई, कुमार रम्तेल र तत्कालीन प्रबन्ध निर्देशक रवि लामिछानेलाई प्रचलित कानुन अनुसार कारवाही गर्न सिफारिस गरेको थियो ।

जोशी पक्राउपछि उनको बयानका आधारमा रवि लामिछानेलाई पनि पक्राउ गर्ने तयारीमा प्रहरी छ । गृहमन्त्री रमेश लेखकले स्रर्यदर्शन सहितका ४ वटा सहकरीको रकम अपचलन गर्ने गोर्खा मिडियाका संचालकसहित सबैलाई सहकारी छानबिन समितिको सिफारिसका आधारमा कारबाही अगाडि बढाउन आईजीपी बसन्तबहादुर कुँवरलाई निर्देशन दिइसकेका छन् ।