सेयर बजार साढे १९ अङ्कले घट्दा २ अर्ब ३२ करोड रुपैयाँको कारोबार

काठमाडौँ। आज हप्ताको पहिलो दिन सेयर बजार दोहोरो अङ्कले घटेको छ । यसदिन सेयर बजार परिसूचक नेप्से १९ दशमलव ४२ अङ्कले घटेर दुई हजार १० दशमलव ३५ विन्दुमा झरेको छ ।

आज लघुवित्तबाहेक अरू सबै समूहको सेयर ओरालो लागेको छ । आज सबैभन्दा धेरै शुभम पावर कम्पनीको शेयर १० प्रतिशतले घटेको छ । समग्रमा बजार घटेको दिन आज सबैभन्दा धेरै स्वरोजगार लघुवित्त, हिमालयन लघुवित्त र एसियन हाइड्रोपावर कम्पनीको सेयर १० प्रतिशतले बढेको छ ।

आज ९० लाख तीन हजार कित्ता सेयर दुई अर्ब ३२ करोड ६८ लाख रुपैयाँमा कारोबार भएका छन् । सबैभन्दा धेरै माछापुच्छ्रे बैंकको १३ करोड २४ लाख रुपैयाँको सेयर किनबेच भएको छ ।