हेर्नुहोस् आज कतिमा हुँदै छ सुनचाँदीको कारोबार?

काठमाडौं। नेपाल सुनचाँदी व्यवसायी महासंघले आज पनि नेपाली बजारमा सुनचाँदीको मूल्य स्थिर रहेको जानकारी दिएको छ । आइतबार तोलामा सातसय रूपैयाँले बढेको सुनको मूल्य सोमबार र मंगलबार स्थिर रहेको हो।

महासंघका अनुसार आज छापावाल सुनको मूल्य प्रतितोला एक लाख ११ हजार तीन सय रूपैयाँ कायम छ भने तेजाबी सुनको मूल्य प्रतितोला एक लाख १० हजार सात सय ५० रूपैयाँमा कारोबार भइरहेको छ । आइतबार र सोमबार पनि सुन सोही मूल्यमा कारोबार भएको थियो।

यस्तै चाँदीको मूल्य पनि आज स्थिर छ। सोमबार प्रतितोला एक हजार ३ सय ९५ रूपैयाँ मूल्य तोकिएको चाँदी मंगलबार पनि सोही मूल्यमा कारोबार भइरहेको महासंघले जनाएको छ। आइतबार पनि चाँदीको सोही मूल्य कायम थियो।