समाजवादी मोर्चा कुनै पार्टीलाई घुर्क्याउन होइन : माधव नेपाल

काठमाडौं । नेकपा एकीकृत समाजवादी पार्टीका अध्यक्ष माधवकुमार नेपालले समाजवादी मोर्चा स्वार्थमा नबनेको बताएका छन् । समाजवादी मोर्चा घोषणासभालाई सम्बोधन गर्दै उनले प्रतिगमन र यथास्थितिविरुद्ध यो मोर्चा बनेको बताएका हुन् ।

नेकपा एमाले अध्यक्ष केपी शर्मा ओलीले कांग्रेसलाई तर्साउन र एमालेको मुकाबिला गर्न मोर्चा बनाउन लागेको टिप्पणी गरेका थिए । तर, अध्यक्ष नेपालले त्यसको खण्डन गर्दै कांग्रेसलाई घुर्काउन र एमालेका विरुद्ध मुकाबिलाका लागि मोर्चा गठन नभएको दाबी गरे ।

उनले भने, ‘कुनै पार्टीलाई घुर्क्याउन खोजेका होइनौं, कसैलाई दबाब दिन र कसैलाई तर्साउन चाहेको पनि होइन।’

आफ्नै पार्टीका नेताहरुलाई पनि मोर्चामा आवद्ध भएका दलहरु एकअर्कामा बिलय हुने त होइन भन्ने परेको भन्दै एकीकृत समाजवादी अध्यक्ष नेपालले भने, ‘कसैले निल्ने वाला छैन, हामी निलिने बाला पनि छैनौं ।’