Nepal Face
  • मंगलबार, २३ भाद्र २०८३

    • निजामती सेवाको नाम परिवर्तनको बहस

    नेपाल फेस
    बिहिबार, चैत्र २३ २०७९
    2.9K
    Shares
    नेपाल फेस
  • ४ मिनेट पाठ
    • शान्तराज सुवेदी
    १. निजामती सेवाको नाम परिवर्तन गनुपर्छ भन्ने बहस निकै चलेको रहेछ । यस सेवालाई जनमैत्री र काम/सेवाप्रति समर्पित बनाउन समग्र निजामती कर्मचारीको आचरण, व्यवहार र कार्यशैलीमा व्यापक सुधारको खाँचो छ नकि नाम परिवर्तनको । यसलाई राजनीतिबाट टाढा राखी सक्षम, चुस्त, स्मार्ट र नतिजामूलक र सरुवा तथा बढुवा अनुमान योग्य बनाउन सङ्घीय निजामती सेवा ऐनमा नै व्यापक परिवर्तनको खाँचो छ ।
    २. हाल बाहिर आएको ऐनको मस्यौदा संविधानको धारा २८५ ले व्यवस्था गरेको सरकारी सेवाको गठन भन्ने प्रावधानको प्रतिकूल छ। कर्मचारीमा नवीन र विश्वमा भैरहेका समसामयिक परिवर्तन एवम् ऐन नियमको जानकारी अद्यावधिक हुनुपर्छ। यसको लागि अध्ययनको आवश्यकता पर्छ र हाल केही हदसम्म अध्ययन गर्ने बानी बढुवा प्रणालीमा रहेको आन्तरिक/अन्तर सेवा/ खुला प्रतियोगितामा प्रतिष्पर्धा गर्नु पर्ने आवश्यकताले पुरा गरेको छ ।
    ३. तर ऐनको मस्यौदामा आन्तरिक र अन्तर सेवाको प्रावधान हटाइएको छ। यो व्यवस्था योग्यता, अनुभव र दक्षताको आधारमा सेवा/समूह परिवर्तन गर्ने उपयुक्त माध्यम पनि हो र यसले समग्र निजामती सेवालाई सकारात्मक प्रभाव पछि। आफूलाई अद्यावधिक राख्न र केही छिटो सेवाको उच्च तह/पदमा पुग्न चाहनेलाई यो यस्तो मौका दिनुपर्छ ।
    ४. त्यसैले रा. प. द्वितीय र प्रथम श्रेणीको पदमा रिक्त पदको २५ प्रतिशत आन्तरिक वा अन्तर सेवा प्रतिस्पर्धाबाट पूर्ति गर्ने व्यवस्था गर्नु पर्छ। यो प्रावधान हटाउनु हुँदैन । बरु अहिलेसम्मको नतिजा हेर्दा निजामती सेवा भन्दा बाहिरबाट (कुनै प्राविधिक/न्याय सेवामा एक दुई जना बाहेक) कुनै कर्मचारी भित्रिन नसकेको र उच्च व्यवस्थापन स्तर (सहसचिव) मा खुला प्रतिस्पर्धाबाट निजामती सेवाभित्रैका कर्मचारी भित्रेको देखिँदा यस तहमा खुला नराखी रा. प. द्वितीय श्रेणी उपसचिवतहमा मात्र राख्दा पनि हुन्छ ।
    त्यस्तै तल्ला तह (खासगरी रापअ प्रथम र द्वितीय श्रेणी) का कर्मचारीहरूको वृत्तिपथ पनि फराकिलो नै बनाउनुपर्छ। सङ्घीय निजामती सेवामा आउन चाहने स्थानीय र प्रदेश सेवाका कर्मचारीहरूलाई पनि प्रतिष्पर्धाको माध्यमबाट आउन सक्ने गरी मस्यौदामा गरिएको व्यवस्था उपयुक्त छ ।
    ५. सङ्घीय निजामती सेवालाई सङ्घीयता अनुकूल बनाऔँ । यसको लागि छिमेकी मित्रराष्ट्र भारतको निजामती सेवासँग मिल्दो जुल्दो सेवा बनाए हुन्छ । राम्रा कुरा र विषयको अनुसरण गर्न हिच्किचाउनु हुँदैन। ध्यान पुऱ्याउनुपर्ने यी विषयमा सरोकारवाला र सरकारको ध्यान नगए कानुन निर्माताहरूको ध्यान जानैपर्छ ।
    ६. त्यसैले नाम परिवर्तनको चक्करमा नलागौँ । संसारभरि नै निजामती सेवा “सिभिल सर्भिस” भन्ने गरिन्छ भने हामीलाई किन र केको आपत्ति ? “निजामती” नामलाई परिवर्तन गरेर यसको छवि चम्किन्छ भन्ने भ्रममा म चाहिँ छैन र यसको नाम परिवर्तन गर्नुपर्ने औचित्य, आवश्यकता र कुनै तुक पनि देख्दिन । बरु सबै सरोकारवाला यसको छवि उच्च बनाउन कार्य पद्धति, प्रणाली, आचरण र सेवाग्राहीप्रति गरिने व्यवहारमा परिवर्तन गर्नेतिर लागौँ भन्ने मेरो अभिमत छ ।
    ७. यहाँ व्यक्त विचार मेरा नितान्त व्यक्तिगत हुन र यसमा सहमत हुनुपर्छ भन्ने छैन  ।
    (नेपाल सरकारका पूर्वसचिव सुवेदीका बिचार सान्दर्भिक भएकाले उहाँको फेसबुकबाट साभार गरिएको हो ।)

    प्रतिक्रिया
    सम्बन्धित समाचार
    ताजा समाचार
    सम्पर्क

    आकर्षक मिडिया प्रा. लि.
    अनामनगर मच्छिगल्ली, काठमाडौं
    सुचना तथा प्रसारण विभाग
    १७८०/०७६-७७
    ईमेल: nepalface21@gmail.com
    सम्पर्क नम्बर : ०१-४१०२६८२

    हाम्रो टिम

    अध्यक्ष
    माधव प्रसाद पौडेल

    सम्पादक
    राजुप्रसाद तिमल्सिना

    हाम्रो मिनु
    लिंकहरु
    logo
    यूनिकोड भिडियो

    © 2026 All right reserved to nepalface.com  | Site By : SobizTrend