प्रज्ञा प्रतिष्ठानको कुलपतिमा नगरकोटी, ललितकलामा ताम्राकार र संगीत नाट्य प्रतिष्ठानमा खनाल नियुक्त

काठमाडौं । सरकारले तीन प्रतिष्ठानमा कुलपति, उपकुलपतिसहितका पदाधिकारी नियुक्त गरेको छ ।

नेपाल प्रज्ञा प्रतिष्ठान, नेपाल ललितकला प्रज्ञा प्रतिष्ठान र नेपाल संगीत तथा नाट्य प्रतिष्ठानमा पदाधिकारी नियुक्त गरेको हो ।

बुधबारको मन्त्रिपरिषद बैठकले प्रज्ञा प्रतिष्ठानको कुलपतिमा कुमार नगरकोटी(सिन्धुली), उपकुलपतिमा अविनाश श्रेष्ठ(पर्वत) र सदस्य सचिवमा रोशन शेरचन (रुपन्देही)लाई नियुक्त गरेको छ ।

ललितकला प्रज्ञा प्रतिष्ठानको कुलपतिमा एरिण ताम्राकार (ललितपुर), उपकुलपतिमा चन्द्रश्याम डंगोल(ललितपुर) र सदस्य सचिवमा कैलाशकुमार श्रेष्ठ(दोलखा)लाई नियुक्त गरेको छ ।

त्यसैगरी, संगीत तथा नाट्य प्रतिष्ठानको कुलपतिमा ब्रजेश खनाल(काठमाडौं), उपकुलपतिमा झुमा वनेम(ताप्लेजुङ) र सदस्य सचिवमा भूपेन्द्रसिंह रायमाझी(मोरङ)लाई नियुक्त गरेको छ । प्रज्ञा प्रतिष्ठानमा ११ सदस्यीय पदाधिकारी, ललितकलामा ९ र संगीत नाट्य प्रतिष्ठानमा ९ पदाधिकारी पनि नियुक्त भएका छन् ।

संस्कृति पर्यटन तथा नागरिक उड्डयन मन्त्री खड्ग गनेश पौडेलको अध्यक्षतामा गठित सिफारिस समितिको सिफारिसमा सरकारले तीनै प्रतिष्ठानका पदाधिकारी नियुक्त गरेको हो ।

तीनवटै प्रतिष्ठानमा नियुक्त भएकाहरुको सूची