मन्त्री पद अस्वीकार गरेका अमरेशकुमार सिंहले प्रधानमन्त्री र मन्त्रीहरुलाई बधाइ

काठमाडौं । उद्योग, बाणिज्य तथा आपूर्ति मन्त्री अस्वीकार गरेका अमरेशकुमार सिंहले प्रधानमन्त्री बालेन्द्र शाह र मन्त्रीहरुलाई बधाइ दिएका छन् ।

उनले सामाजिक संजालमार्फत् बधाइ दिएका हुन् । सिंहले परराष्ट्रमन्त्रीको अपेक्षा गरेका थिए । तर परराष्ट्रमन्त्रीमा शिशिर खनाल नियुक्त भएपछि अमरेशले मन्त्री नहुने निर्णय गरेको कुरा पत्रकार बिजयकुमार पाण्डेको सामाजिक संजालमार्फत् गरेका थिए ।

अमरेशले सामाजिक संजालमा लेखेका छन्–‘समाननीय प्रधानमन्त्री मा नियुक्त हुनुभएका हाम्रो पार्टीका बरिष्ठ नेता बालेन्द्र शाहज्यू र वहाँको मन्त्रीमण्डलका सदस्यहरुलाई हार्दिक बधाई तथा सफल कार्यकालको शुभकामना व्यक्त गर्दछु । तपाईंको नेतृत्वमा राष्ट्रले सुशासन, समृद्धि र दिगो बिकासतर्फ महत्त्वपूर्ण उपलब्धि हासिल हुने बिश्वास सहित हार्दिक कामना गर्दछु ।’