डा. संगीता मिश्रलाई मन्त्री बन्न नदिन बिचौलियाहरू लागेका छन् : अमरेशकुमार सिंह

काठमाडौं । निवर्तमान सांसद अमरेशकुमार सिंहले स्वास्थ्य तथा जनसंख्या मन्त्री बन्न लागेकी डा. संगीताकौशल मिश्रमाथि बिचौलियाहरुले निराधार आरोप लगाएको बताएका छन् ।

स्वास्थ्य सेवा बिभागमा बर्षौंदेखि खरिद प्रक्रियामा आफ्नो रजगज चलाउने बिचौलियाहरुको निन्दहराम गरेबापत नै संगीता मिश्रलाई सचिब बन्न बाट रोकेकाहरुले मन्त्री हुनबाट रोक्न लागेको सिंहले आरोप लगाएका छन् ।

सामाजिक संजाल फेसबुकमा तिवर्तमान सांसद सिंहले लेखेका छन्–‘स्वास्थ्यमन्त्री बन्न लागेकी डाक्टर संगीता मिश्रमाथि स्वास्थ्य सेवा बिभागमा बर्षौंदेखि रजगज चलाएका केही थान बिचौलियाहरुले निराधार आरोप लगाएका छन् । बिभागमा बर्षौंदेखि खरिद प्रक्रियामा आफ्नो रजगज चलाउने बिचौलियाहरुको निदहराम गरेबापत नै संगीता मिश्रलाई सचिब बन्नबाट रोकेको थियो । आज फेरि तिनै बिचौलियाहरु सलबलाएका छन् र डाक्टर संगीतालाइ बदनाम गर्न तथाकथित आरोपहरु लगाएका छन् ।

डा.संगीता एक कुशल नेतृत्वकर्ता हुन् । उनी भ्रष्ट भएको भए पहिले नै सचिब बन्न सक्थिन् । उनको नियुक्तिबाट कांग्रेसका केही नेताहरू पनि आफ्नो कुकृत्य उजागर हुने डरले अत्तालिएका छन् ।’