रविको मुद्दाको सुनुवाइ आज पनि सकिएन, फेरि ‘हेर्दाहेर्दै’ मा

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेको मुद्दा आज पनि हेर्दाहेर्दैमा परेको छ ।

लामिछानेबिरुद्ध सङ्गठित अपराध तथा सम्पत्ति शुद्धिकरणसम्बन्धी मुद्दा फिर्ता लिने महान्यायाधिवक्ता कार्यालयको निर्णय बदर माग्दै सर्वोच्च अदालतमा दायर रिटउपरको सुनुवाई आइतबार पनि ‘हेर्दाहेर्दै’ मा राखिएको थियो । सोमबार पनि उक्त मुद्दा हेर्दाहेर्दैमा राखिएको छ ।

सोमबार पनि न्यायाधीशद्वय सारङ्गा सुवेदी र सुनिलकुमार पोखरेलको संयुक्त इजलासले सुनुवाई नसकिएपछि ‘हेर्दाहेर्दै’ मा राखिएको हो । महान्यायाधिवक्ता कार्यालयले गएको पुस ३० गते रविविरुद्धको सम्पत्ति शुद्धिकरण र संगठित अपराधको अभियोग फिर्ता लिने निर्णय गरेको थियो ।

महान्यायाधीवक्ताको सबिता बडालले गरेको सो निर्णय गैरकानूनी भएको र अपराधको अभियोगलाई कमजोर बनाउन खोजेको भन्दै सिन्धुलीका युवराज सफल, वरिष्ठ अधिवक्ता दिनेश त्रिपाठी, अभिवक्ता आभास रेग्मीलगायतले सर्वोच्च अदालतमा रिट दर्ता गरेका थिए ।

न्यायाधीश नियुक्ति हुनुअघि कानुन ब्यवसायीको रुपमा रवि लामिछानेको मुद्दामा बहस गरेका सुनिलकेुमार पोखरेलले सुनुवाइ गरेको बिषयमा पनि आलोचना भइरहेको छ ।

मुद्दा दायर गर्ने युवराज सफलले त सोमबार न्यायाधीश पोखरेलले हेर्नै नमिल्ने मुद्दा सुनुवाइ गरेकोमा कारबाही माग गर्दै न्यायपरिषदमा उजुरी नै दिएका छन् ।