रवि र बालेनबीच ऐतिहासिक सहमति, सुदनलाई किन गरियो बाईपास ?

काठमाडौं । तीन दिनको वार्ता र छलफलपछि राष्ट्रिय स्वतन्त्र पार्टी(रास्वपा)का सभापति रवि लामिछाने र काठमाडौं महानगरपालिकाका मेयर बालेन्द्र साह (बालेन) बीच आइतबार बिहान ७ बुँदे ऐतिहासिक सहमति भएको छ ।

बालेनलाई प्रधानमन्त्री स्वीकार गर्न रवि तयार भएपछि सहमति निष्कर्षमा पुगेको बताइएको छ । रविबिरुद्ध ४ ठाउँमा मद्दा विचाराधीन रहेकाले उनी प्रधानमन्त्री हुन नपाउने भएपछि उनले बालेनको नेतृत्व स्वीकार गरेका छन् ।

तर बालेन र रविको उक्त सहमतिमा केही दिनअघि वार्तास्थलको गेट चुकुल लगाएर दबाब दिने ‘हामी नेपाल’ का संस्थापक सुदन गुरुङ भने बाइपास भएका छन् ।

केही दिनअघि कुपण्डोलस्थित कुमार बेनको घरमा रवि र बालेनबीच वार्ता चलिरहेका बेला सुदन गुरुङले सहमति नजुट्दासम्म गेट नखोल्ने भन्दै ताला लगाएका थिए ।

तर आइतबार बिहान करिब ४ बजे सहमति हुँदा उनी वार्तास्थलमै उपस्थित थिएनन् । अनुसार सहमतिपत्रमा हस्ताक्षर हुँदा दुवै पक्षका १२–१३ जना मात्र सहभागी थिए । जेनजीको तर्फबाट केपी खनाल उपस्थित थिए भने कलाकार निश्चल बस्नेतसमेत सहभागी भएको बताइएको छ ।

तर वार्ताका बेला बाहिर ताला लगाएर दबाब दिने सुदन गुरुङ भने सो अवसरमा देखिएनन । सहमतिअनुसार दुई पक्षबीच एकतापछि पार्टीको नाम राष्ट्रिय स्वतन्त्र पार्टी नै रहनेछ र पार्टी सभापतिमा रवि लामिछाने नै रहनेछन् ।

साथै आगामी प्रतिनिधिसभा निर्वाचनपछि भावी प्रधानमन्त्रीको उम्मेदवारका रूपमा बालेन्द्र शाहलाई अघि सार्ने समझदारी भएको छ ।
रवि–बालेन सहमतिमा सुदन गुरुङ किन अनुपस्थिति रहे त्यो विषयमा कसैको प्रतिक्रिया आएको छैन । सुदनले पनि अहिलेसम्म रवि–बालेनको सहमतिमा केही बोलेका छैनन् ।

यस्तो छ बालेन–रबिबीच भएको सहमति