कोइराला दाजुभाइ, एउटाले लेखकको बचाउ गर्ने, अर्काले राजीनामा माग्ने

काठमाडौं । नेपाली कांग्रेसका नेता शेखर कोइरालाले भिजिट भिसा प्रकरणमा कर्मचारीलाई दोष थोपरेर गृहमन्त्री रमेश लेखक उम्किन नपाउने बताएका छन् ।

शनिबार डा. कोइरालाले गृहमन्त्री रमेश लेखकले राजीनामा दिनुपर्ने भाषण गरेका थिए । डा. शेखर निकट सांसद सुनिल शर्माले पनि लेखकको राजीनामा माग गरेका छन् ।

डा. शेखरले गृहमन्त्रीको राजीनामा माग गरेको २ दिनपछि सोमबार डा. सशांक कोइरालाले भने लेखकको बचाउ गर्दै भाषण गरेका छन् । पूर्वमहाामन्त्री समेत रहेका डा. सशांकले कर्मचारीले गल्ती गर्दा गृहमन्त्रीले राजीनामा दिनु नपर्ने बताएका छन् ।

त्यसो त कांग्रेसका अर्का नेता डा. कृष्णप्रसाद सिटौलाले पनि कर्मचारीले गरेको गल्तीमा गृहमन्त्रीले राजीनामा दिनु नपर्ने धारणा राखेका छन् । त्यसो त सोमबार बिहान बुढानीलकन्ठमा बसेको कांग्रेस पदाधिकारी बैठकले पनि गृहमन्त्री लेखकले राजीनामा दिनु नपर्ने निर्णय गरेको छ ।