क्रिकेट विश्वकप लिग-२: नेदरल्यान्ड्सविरुद्ध पहिले बलिङ गर्दै नेपाल, २ खेलाडी परिवर्तन

काठमाडौं । आईसीसी विश्वकप क्रिकेट लिग-२ अन्तर्गत आजको दोस्रो खेलमा नेपालले नेदरल्यान्डविरुद्ध पहिला फिल्डिङ गर्ने निर्णय गरेको छ ।

त्रिवि क्रिकेट मैदानमा शनिबार बिहान नेपालले टस जितेर बलिङ रोजेको हो । कप्तान रोहितकुमार पौडेलले टस जितेर फिल्ड गर्ने निर्णय लिएका हुन् ।

नेपालले आज दीपेन्द्रसिंह ऐरी र देव खनाललाई खेलाएको छ ।

पछिल्लो खेलबाट करण केसी र पवन सर्राफ बाहिर छन् । पहिलो खेलमा नेपाल नामिबियासँग पराजित भएको थियो ।

यस्तो छ नेपालको प्लेइङ-११

आसिफ शेख (विकेटकिपर), कुशल भुर्तेल, अनिल शाह, भीम सार्की, रोहित पौडेल (कप्तान), दीपेन्द्रसिंह ऐरी, देव खनाल, कुशल मल्ल, सोमपाल कामी, गुलशन झा, ललितनारायण राजवंशी ।