सर्लाहीको बरहथवामा फेरि कर्फ्यु

काठमाडौं। सर्लाहीको बरहथवा नगरपालिका क्षेत्रमा पुन: कर्फ्यु आदेश जारी गरिएको छ । सर्लाहीका प्रमुख जिल्ला अधिकारी कोमलप्रसाद धमलाले आज (आइतबार) दिउँसो पौने १ बजेदेखि भोलि बिहान ८ बजेसम्मका निम्ति कर्फ्यु आदेश जारी गरेका हुन् ।

गएको शुक्रबार प्रदर्शनका क्रममा प्रहरीले चलाएको गोली लागेर बरहथवा नगरपालिका–६ का जयशंकर साहको मृत्यु भएको थियो । त्यसपछि पनि सो क्षेत्रमा कर्फ्यु आदेश जारी गरिएको थियो । कर्फ्युपछि शनिबार बिहान ८ बजेदेखि २४ घण्टाका निम्ति निषेधाज्ञा जारी गरिएको थियो ।

बरहथवा घटना : मृतकको शव अझै घटनास्थलमै, यस्तो छ स्थानीयको माग

“…सम्भावित जोखिमलाई मध्यनजर गर्दै मिति २०८०/०९/२२ गते दिउँसो १२ः४५ बजेदेखि मिति २०८०/०९/२३ गते बिहान ८ः०० बजेसम्म कुनै किसिमको भेला हुन, बाहिर आवतजावत गर्न नपाउने गरी स्थानीय प्रशासन ऐन, २०२८ को दफा ६ को १ (क) (ख) र दफा ६ को (२) (३) (४) बमोजिम देहायको क्षेत्रहरूमा कर्फ्यु आदेश जारी गरिएको छ,” आदेशमा उल्लेख छ, “आदेशको उल्लंघन गर्नेलाई सुरक्षामा खटिएका सुरक्षाकर्मीले नियन्त्रणमा लिई कानुनबमोजिम कारबाही गरिने व्यहोरा समेत सूचित गरिन्छ ।”

आदेश पढ्नोस्–