कोशी सरकारविरुद्धको रिटमाथि आज पूर्ण इजलासमा सुनुवाइ हुँदै

काठमाडौं । कोशी सरकारविरुद्ध सर्वोच्च अदालतमा परेको मुद्दाको आज पूर्ण इजलासमा सुनुवाइ हुँदैछ । कम्तीमा तीन न्यायाधीश रहने पूर्ण इजलासमा उक्त रिटमाथि सुनुवाइ हुने लागेको हो । पूर्ण इजलासमा आजदेखि निरन्तर सुनुवाइ सुरु हुनेछ ।

सभाध्यक्षको प्रयोग गरेर असंवैधानिक रूपमा विश्वासको मत लिएको जिकिरसहित दायर रिटको पूर्ण सुनुवाइका लागि आइतबार सपना प्रधान र सुश्मालता माथेमाको संयुक्त इजालसमा परे पनि पूर्ण इजलासमा लैजान आदेश जारी गरेको थियो ।

शुक्रवार न्यायाधीशद्वय ईश्वरप्रसाद खतिवडा र सुष्मालता माथेमाको संयुक्त इजलासमा रिटको सुनुवाइ तोकिएकोमा ‘हेर्न नमिल्ने’ भएसँगै सुनुवाइ सरेको थियो । उक्त रिटको प्रारम्भिक सुनुवाइ गर्दै भदौ ७ गते न्यायाधीश ईश्वरप्रसाद खतिवडाले कारण देखाऊ आदेश जारी गरेका थिए ।