नक्कली मुद्रा र सुनसहित दुई जना पक्राउ

काठमाडौ । नक्कली मुद्रा र सुनसहित दुई जना पक्राउ परेका छन् । उनीहरूलाई प्रहरी वृत्त महाराजगञ्जबाट खटिएको प्रहरी टोलीले बसुन्धाराबाट पक्राउ गरेको हो ।

पक्राउ पर्नेमा गोरखा आरूघाट गाउँपालिका-१० बस्‍ने ४८ वर्षीय दुर्गाबहादुर खत्री र भारतको लखनऊ स्थायी घर भई हाल काठमाडौं महानगरपालिका-१० बस्ने ४५ वर्षीय विनय कुमार सिंह रहेका छन् । उनीहरुको साथबाट चार किलो २ सय ग्राम नक्कली सुन तथा १६ हजार नक्कली भारतीय रूपैयाँ बरामद गरेको छ ।

पक्राउ परेका उनीहरूमाथि मुद्रा सम्बन्धी कसुर मुद्दामा काठमाडौं जिल्ला अदालतबाट चार दिनको म्याद थप अनुमति लिई प्रहरी वृत्त महाराजगञ्जबाट अनुसन्धान भइरहेको प्रहरीले जनाएको छ ।